تعااااااااااااالوا ندردش

مبرووووووووووك لمصر والله أنا قلبى كان حاسس وفضلت أقولهم مصر هتكسب علشان شعب الجزائر مش مؤدب لازم يتعظوا

مقولكيش بقى ياأم عمرو شارع الثورة كان عامل ازاى وقت الماتش عاملين شاشة عرض كبيرة

والاطفال والشباب راسمين على وشهم العلم كأنهم رايحين ستاد القاهرة

والمحلات معلقة العلم على الباب وكله مطلع التلفزيونات فى الشارع وقاعدين يتفرجوا

واللى بيبع يطلع يجرى ويسيب الزباين علشان يشوف الجول وكانت هيصة وندخل المحلات منلاقيش

أصحابها قاعدين يتفرجوا وناسيين الدنيا بس بقى ياستى شرحتلك الصورة بالظبط كأنك شايفاها بعنيكى

أيه موضوع الاوسمة الجميلة دى مقدرش على الدلع ده كله

هههههههههههههههههه دى حاجه بسيطه

كويس والله ان فى البلد الكلام دا والاحتفالات دى جايين يعملو كده بعد مامشيت عشان مش اتفرج
بس البت هدير قالتلى برضو انهم وقفو قدام الحزب قدام بيتنا وولعو نار ورقصو وشغلو اغانى

كانت هيصه بس بجد يستاهلو والله انا بالرغم انى ماليش فى الكوره خالص بس كنت مستنيه الماتش ده عشان كرامة مصر وعشان الرجل الطيب حسن شحاته ترجعله كرامته
مش يبقي ناس قليلة الزوق وييجو يهزقونا فى بلادنا كمان
يالا الحمدلله حتى لو مش فازو فى السودان كفايه الفوز فى بلدنا

أه والله أنا روحت أكمل الماتش فى البيت وقعدت بقى متحمسة وأدعى وأول مادخل الجول التانى قعدت أتنطط

وأقول والله كريم يارب ومنة لما شافتنا بنتنطط قعدت تزعق للكمبوتر وتنطط وهى مش فاهمة حاجة فى حاجة

فطستنا على نفسنا من الضحك

بقولك ايه انا مسحت ردك فى موضوع الشعر معلش كنت عايزه اكمل الموضوع الاول

متزعليش قلت عشان يبقي شكله حلو وهو تحت بعضه كده

فاضل لك 7 مشاركات وتكملى ألف يالا اتجدعنى ههههههههههههههه

لا عادى نرد تانى أن شاء الله ماخدتش بالى أنه مش كامل

طيب كويس بعد لما جوزى يمشى نعمل السبع مشاركات ونقفل الالف

هههههههههههههههههههه ايوه قفليهم

كل سنه وأنتم طيبين عامله ايه يام منه انتى ومنه وحشتونى خالص

ازيك ياشاهى انتى مش بتدخلى هنا ليه تعالى قوللنا جبتى لبس العيد ولا لسه

وانتى طيبه ياام عمرو وانتى يام منه كل سنه وانتى طيبه
مانتى عارفه ياجيجي ملبوخه خالص بلبس العيال المقاسات والأسعار وكل يوم ألف والمفروض انزل البلد اليومين دول
انتى اخبارك ايه هاتروحى الحج امتى ان شاء الله

والمهم عرفتى تجيبي اللبس ولا لسه مخلصتيش منا عرفاكى يومك على سنه ومش بتخلصي ايوه الاسعار عندكم غاليه قوى بجد أقل طقم ينفع يتلبس بيوصل فوق الميه جنيه
هنا الأسعار حلوه ومريحه خالص عن مصر
امبارح برضو رحت بضعت لعمرو حاجات كتييييييييير لأن لبس السنه الى فاتت كله صغر طبعا والجو هنا برد فجأه ومكنتش عامله حسابي بس الحمدلله لحقت أخلص قبل السفر
ان شاء الله السفر يوم الأتنين هتوحشونى والله وهادعيلكم ان شاء الله

ربنا يرجعك بالسلامه يارب انتى كمان هتوحشينا
الحمدلله جبت لكل لسيرين جيبه وبلوزه تايير يعنى 3 قطع وبيجامه وعندها بقي بتاع السنه الى فاتت عمر بس جبتلو طقمين خروج وطقمين بيتى عشان برضو لبس السنه الى فاتت صغر عليه لا وكمان الأيام دى موسم دخول الشتاء والعيد فالأسعار مولعه بعد العيد ممكن الأسعار تنزل بس هايكون الكل اشترى ومش هايبقي غير البواقى بقي

أزيك ياأم عمرو أنتى وشوشو كل سنة وأنتم طيبيبن وحشتونى كتيييييييييييييييييييييير

تروحى وتيجى بالسلامة ياأم عمرو ومتنسيش حبة دعوات عمولة

السلام عليكم ياحبيباتى كل سنه وانتم طيبين وحشتونى والله وانا كمان مش فاضيه خالص من الشغل والاولاد هاتوحشينا كتير يا ام عمرو يارب ترجعى لنا بالسلامه وماتنسيناش فى دعائك

وعليكم السلام ياأم عائشة وحشتينا جدا ومقتقدينك بجد والله

ربنا يعينك ياقمر ويباركلك فى بناتك ومتطوليش علينا الغيبة علشان بجد أنتى من الناس اللى بنحبهم جدا

السلام علييييييييييييييكم

وحششششششتونى ازيك يام منه وازيك ياام عائشه اخباركم ايه ام عمرو جات ولا لسه

انا رجعت امبارح عشان شغل جوزى بس كانت اجازه جميله واللحمه بقي ههههههههههه

اخباركم ايه وعملتو أيه فى العيد

أهلا ياشوشو وحشتينا أخبارك ايه

ماشى ياعم هيصت فى اللحمة طيب كنتى جبتى نصيبنا معاكى

حمد الله على سلامتك نورتى المنتدى بطلتك الحلوة

لسه مافيش اخبار عن أم عمرو أحنا منتظرينها أن شاء الله تيجى بالسلامة

أتهدينا طبعا فى العيد تنضيف وطبيخ بس لمينا عيدية كويسة عوضت شوية

طيب ياستى العيديه خيرا من اللحمه اللحمه بتتاكل وتنزل العيديه بتفك زنقه هههههههههههه

مبارك عليكى يارب وسلميلى على منه كتير

ربنا يرجع جيجي بالسلامه المنتدى مالوش لزمه من غيره

الحمدلله أنا رجعت امبارح الضهر وحشتوووووووونى خالص والمنتدى وحشنى جدا
شكل الجو هادى ومافيش شغل ايوه اجازة العيد بقي
بس كل ده هايتخصم من مرتباتكم ههههههههههه
ازيك يارحاب وحشتنى انتى ومنه دعتلك كتير والله ربنا يتقبل يارب
ودعيت لكل الى وصانى الحمدلله
الحج جميل قووووى نفسي أروح كل شهر مش كل سنه بس
ربنا يكتبهلكم يارب

حمد الله على السلامة ياأم عمرو أنا أول ماشوفت الاستايل اتغير قلت أم عمرو رجعت

وحشتينا جداااااااااااااااا بجد المنتدى كان مهجور من غيرك

حج مبرور وذنب مغفور ياقمرتنا داأنا كنت باعد الايام والله علشان تجيلنا

تسلميلى ياحبيبتى على الدعوات الجميلة جزاك الله خيرا

ربنا يكتبلك يارب زيارة بيته دايما ونبقى صحبة أن شاء الله

اللهم آمين ياحبيبتى ربنا يتقبل يارب وعقبالك وعقبال كل الى فنفسه يارب

يارب اللهم آمين

وعمورة عامل ايه أكيد كان وحشك ربنا مايفرقكمش أبدا عن بعض

يارب
والله الحمدلله يعنى ربنا بيصبر وكنا بنطمن عليه والحمدلله كان مبسوط لأنه كان بيخرج كل يوم مكنش بيقعد فى البيت أصلا وهو بيحب الخروج ده زهقان مننا خالص وعمال يعيط
بس أول ماشفنا بقي قعد يبصلنا ويضحك وكان مبسوط خالص بعد كده خلاص زهق مننا ونفسه نرجع تانى عشان يصيع هههههههههه

ههههههههههههههههههههههه طيب كويس يعنى عرف يكسبه بالخروج


داأنا كنت شايلة همه وزعلانة خالص وقلت هيغلبه وهيبقى مفتقدكم بس

يعنى باعكم علشان الخروج هههههههههههههههههه