تعااااااااااااالوا ندردش

اه انا برضو لما عمرو بينام شويه بيوحشنى

هو بتتكلم فى التليفون فى الصوره دى ولا بتعمل ايه

بس محدش خاد باله ان الاعلانات الى بتبقي موجوده فوق فى المنتدى مش موجوده ؟؟

محدش سأل يعنى

لا هى كانت مستحمية ولابسة البرنس

حبيت أصورها بتقوم جارية

صحيح فين الاعلانات أيه خادتى أعتمادات ولا ايه

أييييه مش نايمة يعنى غيرتوا الميعاد ولا أيه

غيرتى الصوره برضو طول النهار تغيري بس كويس عشان نتفرج عليها فكل المراحل

اول حاجه بتلعب كوره بعدين اتبهدلت بقي فلازم تستحمى وبعدين نامت دلوقتى هههههههههههههههه



مش عارفه انتى اخر معلوماتك اننا بنام امتى

بس بقينا بنام بدرى وبنصحى بدرى

امبارح بقي طلع عينى لحد مانام الى هو عمرو يعنى مكنش راضي ينام وقاعد يعيط وأبوه سبلنا الأوضه ونام فى أوضه تانيه

وبنصحى بقي بدرى وبنام تانى بعد الضهر ساعتين كده

يارب نفضل على الطريقه دى بقي وعقبالكم

الاعلانات بقي ياستى مش اشتريت اعتمادات ولا حاجه

دا المنتدى الرئيسي عاملها هديه كده من عنده لمدة أسبوع بس

مش هانلحق نفرح كتير يعنى

هههههههههههههههههه ايوة تدريجى كده الصورة الجاية وهى بتاكل ههههههههههههه

يارب يهديهم دايما ان شاء الله بعد الفطام نومه هيظبط

بس والله ظريفة الواحد بيقعد يلعب شوية

هى ايه دى الى ظريفه ؟؟

المغرب أذن عندنا وجوزى لسه مجاش وانا جوعت جدا هايجبلى الضغط ياختى

الالعاب اللى بتبقى موجودة ظريفة
آى لايك أت هههههههههههههههه
شوفتى الانجليزى بتاعى
أمال تعملى أيه للى بياكلوا بعد العشا اللى هو أحنا يعنى

سؤااااااااااااال بقى

هو فعلا لبس الاطفال رخيص فى السعودية

أصل اللبس بيبقى جميل جدا ونضيف ويقولوا مش غالى

صححى لى المعلومة دى لو سمحتى

بصي فى هنا محلات نضيفه جدا حاجات زى الى بنشوفها على النت كده دى طبعا محدش بيقربلها غير السعوديين الى فلوسهم كتير هههههههههه

فى محلات نص نص اللبس فيها حلو وسعره كويس جدا يعتبر رخيص فعلا بالنسبه لمصر

وفى محلات فيها حاجات وحشه كده ورخيصه خالص فى ناس كتير بيلبسو منها ويلبسو ولادهم ويوفرو يعنى

بس انا الصراحه اتحرج لبس او أللبس ابنى منها

المحلات الن نص بقي فيها حاجات جميله زى لبس المنصوره مثلا بس فعلا اسعارها رخيصه خالص بالنسبه للبس المنصوره الغالى

بس تعرفى كل حاجه على اد سعرها فعلا يعنى ممكن الشكل يبقي زى بعضه بس وتلاقى دى غاليه ودى رخيصه الفرق بقي بيبقي فى الخامه

الحاجه فى مصر تلاقيها غاليه شويه بس قمشتها نضيفه ورصصه كده زى مابيقولو

لكن هنا ميزتهم انهم بيدو الحاجه شكل كويس جدا ميبنش عليها انها رخيصه

يعنى الفستان البناتى مثلا المعقول الى يلبس 2 سنه او 3 تلاقيه من 40/50 ريال

مثلا كنت شاريه لعمرو من المنصوره جاكت شتوى وتحته تيشرت وبنطلون جينز كان 125 جنيه

هنا لاقيت زيه كده وب50 ريال بس

فى بقي هنا محلات كتير تلاقيها كل شىء ب5 ريال وب10 ريال بدل وبيجامات وفساتين ولبس بيتى كل حاجه بس بتبقي مش حلوه يعنى

وفى ناس بيجيبو من المحلات دى الهدايا هههههههه بس بتبقي مش حلوه خالص وحاجه تكسف يعنى

بس ياتى كل الرغى دا هبطينى أى خدمه

ايوة فعلا المنصورة اللبس فيها غالى خصوصا الشتوى

عاجبنى لمنة طقم جميل قوى قوليلى بكام180

الاقل منه جمال ب160أو145

وكمان دى أسعار الحاجة يعنى فى المحلات التانية فرق فوق السعر 20جنيه

ان شاء الله رايحة اجيبه الاسبوع ده هى خسرانة خسرانة

بس هعينه للعيد ان شاء الله

حلوة اللى ب 5و10 ريال دى ههههههههههههههههه

فعلا يعنى هما عندهم الخامات حلوة والشكل برضو

مع أنه بيبقى مستورد من الصين أو الهند

بس مش زى الصينى بتاعنا خالص مبيتكسرش ههههههههههههههههه

سلاااااااااااااااا بقى علشان رايحة للدكتور أكشف على منة

بقالى 4أيام بديلها علاج ومش بتخف ياعينى أتبهدلت

سبحان االله مش بتخف الا لما بنروحله أو نكلمه فى التليفون

يااه كتير قوى والله حرام لما يغلو قوى كده ليه يعنى

لعلمك الحاجات الصينى هنا احسن حاجه ومنتشره جدا جدا حتى الاجهزه دلوقتى ماعتش خلاص لا يابانى ولا ألمانى كله دلوقتى صينى وهى أرخص الاسعار واحلى حاجه

لييييييييه ألف سلامه عليها .. برد ولا أيه ؟ الجو الأيام دى بيتغير والعيال متلصمين اصلا

شفاها الله وعافاها

أنا هاحط الأسئله بتاعت المسابقه دلوقتى ممكن تحليها بعد ماترجعى انتى ليه مش بتشتركى دى بتبقي لذيذه جدا خاصة اللغز البوليسي

ايه المشكله لما تلاقيهم حلو ماهو كل واحد بياخد نقاط برضو وممكن يكونو مش حلين صح وانتى الى تحلى الصح

كمان لو مره حليتى التانيه او التالته ممكن المره الى بعدها تحلى الاول وتاخدى نقاط اكتر لأن زى ماقلت ان نقاط كل جزء هانجمعها وفى الآخر نشوف الفائز

لسه قدامك فرصه أهو لو عايزه تكملى فى المسابقه

تسلمى حبيبتى الله يخليك

ايوة برد تقريبا مع انى ماتقلالها بدرى السنة دى

ربنا يعافى أطفالنا جميعا

لا هاشترك ان شاء الله المشكلة بس لما أجى

احل باخد وقت وجوزى بقعد يستعجلنى علشان أقوم لكن هاشترك عادى بقى تانية تالتة مش فارقة

انا ليا حق الاشراف على أقسام المرأة صح

جيت احط لك وسا م التميز ماعرفتش ليه بقى ماليش دعوى

هههههههههههههه تحطيه فين ؟ وقالك أايه ؟

سلاموو عليكووووو ايه الاخبار قاعدين تتكلمو على الاسعار فعلا مرتفعه جدا وبالذات اللبس الشتوى السنه دى مرتفع جدا

مش عارفين هانجيب هدوم العيد ازاى بس الله معانا ومعاكم كل سنه وانتو طيبين

اخبار المسابقه ايه معاكى ياام عمرو انا كمان مش عارفه اشترك معاكم خالص مشغوله زى مانتى عارفه بقي معلش

يوووه ألف سلامه على منه يارحاب ربنا يشفيها يارب ابقي طمنينى ياقمر معلش الدور دا فعلا منتشر اليومين دول خلى بالك عليها