تعااااااااااااالوا ندردش

والله كنت لسه بفكر فى موضوع كده نخليه للدردشه عشان نعرف اخبار بعض ونفضفض لو مضيقين

فكره حلوه ياام منه بس ممكن محدش يدردش غيرنا اصلا هههههههههههههههه

هابدا بكره معاكى ان شاء الله لان ده وقت نومى وقفلت خلاص بكره الصبح بقي نلتقى ان شاء الله

منتظراكى ياقمر

ايه ده ممكن محدش يدخل طييييييييب يرموا السلام حتى

علشان نطمن على أخبارهم منتظراكى ومنتظراهم

صبااح الخييييييير أنهارده الخميس اجازه وميه ميه بس للأسف منمتش طول الليل من عمرو صعبان عليا والله حاجه صعبه عليه فعلا ربنا يصبره ويقدرنى

انتى عامله ايه واخبار منه ايه هتطبخى انهارده ايه

هى منه عندها كام سنه دلوقتى .. أكننا لسه بنتعرف على بعض هههههههههه

أخبار البلد اايه مافيش جديد ؟

ياصبااااااااااااااااح الخيرااااااااااااااات المفروض أقول مسااااااااء الخيرات علشان بعد الضهر هههههههههههههههه

معلش هو الموضوع صعب فى الاول شوية شوية هيتعود وتعدى على خير

الحمد لله أنا تمام ومنة طبعا مغلبااانى شوفى عندها سنتين عاوزانى على طول شايلاها حتى فى البيت

وبطبخ شايلاها غير كده تعيط وتقلبها مناحة وعاوزة أنام ياماما أفضل شايلاها وماشية بيها

وتتأمر بقى أمشى قومى فى الاودة فى النور فىىىىىىىىىىىىىى عليها تناكة أووووووووف

ومحدش يقدر يزعلهاالمشكلة أننا عاودناها على كدة ياعينى تانى عيل هيبقى مظلوم قوى كله هيطلع علي ههههههههههههههه

شوفى الكلام على منة ياخد صفح هههههههههههههههههه

أخبار البلدايه الحمد لله كويسة وفى تقدم ماشمتش أخبار جديدة مؤخرا

لو عندك أنتى قولى أنتى كل حاجة بتوصلك طااااااازة أرووووبة هههههههههههههه

محتاااااااااارة هطبخ ايييييييييه

عندى رز بشعرية مش عارفة أعمل عليه كشرى ولا نديها بيتزااااااااااا

انتى كل يوم تديها بيتزا احسنلك تعملى حاجه على الارز بشعريه بدل مايبات تاتى ويبقي مش حلو

ودلعى منه ياستى براحتها هو فى غيرها يعنى عشان تدلعوه طبعا العيل التانى دايما مظلوم

ولا التالت بقي ههههههههههه مش قريتى الموضوع الى كنت جيباه برضو عن العيل التالت

بس مين قالك بقي انى أروبه وبعرف الأخبار قبل ماأى حد يعرفها هههههههههه

انا ان شاء الله خارجه دلوقتى فرصتى انهارده الخميس بقي هييييييييييصه هييييييييييه

ايوة أنا عملت كشرى بس أحنا مش بنزهأ من البيتزا يعنى ممكن أعملها فى اليوم مرتين

ادلعها أهئ أهئ يااااااانى بس تصدقى موضوع العيل التالت طلع صح ماهو بالطريقة دى أكيد

لازم يتعاملوا كده

مين قالى أنك أروبة بيبان طبعا هههههههههههههه

خروجة سعيدة يارب تتبسطوا

مبينلهاش خروج انهاره الراجل سبنا وخرج راح مشوار وشكله على مايرجع هيلاقينا نمنا

والله الواحد زهق بقي اما اشوف اخرتها

ههههههههههههههههه يااااانى يارب يرجع بسرعة

والله عاوزاكى تخرجى وتتبسطى حاسة بيكى

والله يرحاب المشكله مش فيا انا .. انا ممكن أقعد واكتأب عادى لوحدى متعوده على كده

بس عمرو الى بيصعب عليا ببقي عيزاه يخرج يشوف ناس يشوف مناظر جديده غير البيت

لان هنا مش بنشوف حتى الشارع يعنى مافيش بلكونات ولا حد بيبص على أى حاجه طول النهار الشببيك مقفله عشان التكييف

وفاتحين النور وليلنا زى نهارنا مافيش تغيير

النظام هنا كده حتى الشبابيك عليها حديد لانهم بيخافو من الهنود والبنجلاديش وكده بيبقو فيهم ناس كتير مش كويسه

يالا الحمدلله على كل شىء صدعتك انا هههههههه

بس انتى بتحطى صور منه فى برواز كده ازاى شكله حلو

يانهااااااااارى ايه الحبسة دى الله يكون فى عونك

انا لو منك مش هتنازل عن يوم الخميس خالص

انا بنزل برامج لعمل براويز للصورهاشوفلك الروابط بتاعتها

برامج كويس والله أكيد طريقته سهله بقي وانتى قاعده كل شويه تغيرى فى الأشكال بس حلوين والله

أيه ده بتشيتو من ورايا من امتى الجريمه دى حصلت

وبتقولو ايه بقي دخلونى معاكم فى الحوار بس المشكله انى مش بتقابل معاكم خالص انا دخولى قليل فى النت

معلش أعذرونى بس هحاول بقدر الإمكان أتواجد معاكم دايما

بحبكم فى الله

أهلا ياشوشو دأنا كنت لسه هاعمل أعلااااااااان جارى البحث عن ماما الحلوة

أيه الغيبة دى مفتقدينك جدا يابنتى

هنستناكى بقى فى أى وقت تدخلى فيه تشتركى فى الجريمة هههههههههه

يلااااااااا قوليلنا أخبارك ايهوالدنيا ماشية معاكى ازااااى

ههههههههه ليه والله انا بدخل كل يوم بس قليل مشغوله مع العيال وأبوهم هيجننونى هههههههههههه

انتو كمان بتوحشونى اخبارى تمام الحمدلله بس مش عارفه شغل البيت ميخلصش ليه هو انتو كمان كده ولا انا ليه دايما ملبوخه وشغلى مبيخلصش

وكمان خروجات وزيارات ومناسبات وفلوس هههههههههههههه

بس انا اسبوع ألاقى نفسي فاضيه وأسبوع شغلى يكتر ان شاء الله معاكم الاسبوع ده

لا والله هو احنا فى شغل بيت برضو بس أحنا اللى بنطنش هههههههههه

أصل ايه أنا بعمل بمثل أحنا مش بنعيش علشان نشتغل أحنا بنشتغل علشان نعيش

ههههههههههههههههههه

حلو نظام أسبوع وأسبوع ده طيب كويس أن الاسبوع ده من نصيبنا

ههههههههههههههههه بنشتغل عشان نتعيش ههههههههههه حلوه دى

هحاول اطبق نظامك بقي عشان افضي شويه

طب بالنسبه لمنه بتعملى معاها ايه

امال البنت أم عمرو اخبارها ايه

بصرااااااااااحة كفاية منة عليا فظيعة على طول شايلاها سواء وانا بنيمها

أو وأنا بعمل شغل البيت أو بطبخ وحشرية بشكل عاوزة تعمل كل حاجة

بغسل عاوزة تغسل بطبخ عاوزة تطبخ بحط ملح على الاكل عاوزة تحط ملح على الاكل تقوليش البت طبااااخة

وبتنام بالليل وأنا مش بيبقى جايلى نوم ولما تصحى ببقى عاوزة أنام

شوفتى بقى سألتينى ليييييييييييييييييه كنتى سيبينى ساكتة

أ م عمرو تمااااااااااااااااااام بس أنتى تسأليها منك ليها على طول وهى تدخل ترد عليكى

شااااااااااااااااااااااات بقى أمال أيه

أم عمرو كتب:

برامج كويس والله أكيد طريقته سهله بقي وانتى قاعده كل شويه تغيرى فى الأشكال بس حلوين والله

بصى ياست الحلوين جبت لك اسم برنامج هو

برنامجMonkey Photo

بس أعملى بحث أصلى مش راضى يفتح عندى الظاهر عندى مشكلة بس هو جميل جدا وفى اطارات حلوة قوى وكتيييييير

يابنتى هما البنات فى السن ده كده بتحس انها كبرت بقي زى امها وعايزه تعمل كل حاجه زيك
دا شويه وممكن تلاقيها بدأت تغير منك وعايز تلبس لبسك وكعبك العالى ومكياجك كل حاجه

استحمليها بقي احنا مخلوقين عشان كده بس

انا برضو بواجهه مع ابنى نفس االمشاكل بس هو بطريقه ولاديه بقي ربنا يعينا والله

اوك ياأم منه هابقي أدور عليه ان شاء الله

اهلا ياشاهى عامله ايه انتى كمان حشانى معتيش بتفتحى الماسينجر ليه انا كمان امورى ملغبطه اليومين دول

بسبب فطام عمرو وتعبانه جدا نفسيا وجسديا

حتى ورايا شغل كتير فى البيت برضو غسيل ومكوى ومش قادره خالص اشتغل

الله المستعان ادعولى ربنا يعيينى

بس فكرة الدردشه دى حلوه خالص عشان ساعات فعلا مش بنتقابل على الماسينجر نبقي نتكلم ونرغى هنا بقي

اما اقوم احضر العشا للراجل وأجى

ايوة تصدقى كل لما تشوفنى لابسة حاجة تقولى أقلعى ال الله بتاعتى

بس الكعب العالى ماظنش أصل أختك مش محتاجاه ههههههههههههه

أيوة والله بس على الرغم من كده لما بتنام بتوحشنى غاوية تعب بقى اعمل أيه

ربنا معاكى ياأم عمرو ويعينك
منتظرينك