كرسى الاعتراف

لسه يومين انت زهقتى مننا ولا ايه ؟؟

طيب ادينى مستنيه أهو

طب انا الى هختار الى بعدى ولا ايه ؟؟

ايوه ياللا اختارى

هختارك ياأحمد عشان نهرسك

يالا استعد

يالا الاول كده أتفضل أقعد على الكرسي

كرسى الاعتراف - صفحة 2 Rocking_chairs

هدى اعصابك واشرب العصير .. هاعملك زى محمود سعد

نبدأ بقي بسؤالين تلاته كده مؤقتا

أيه هى أهدافك فى الحياه ؟ وهل عرفت تحقق أى حاجه منها ولا لسه ؟؟

هل حسيت انك ظلمت حد قبل كده ؟؟ وعملت ايه لما حسيت بظلمك ؟؟

لو حد قالك انا زعلان منك عشان الموقف الفلانى وفعلا انت غلطان هل هتعتزرله ولا هاتكبر دماغك ؟؟

اأيه رأيك فى المنتدى بصراحه ؟؟ ولو عندك تعليق قوله ..

او لو عندك اضافه ياريت برضو تعرفنا ..

وااااااااااااااو بيووووووووووتيفول اوى
ماشى

أيه هى أهدافك فى الحياه ؟ وهل عرفت تحقق أى حاجه منها ولا لسه ؟؟

هدفى ف الحياه حاليا انى ادخل من كليتى قسم مساحه ان شاء الله ... وبعد كده ارتبط بالفتاه اللى حبيتها ..... حتى الان لسه

هل حسيت انك ظلمت حد قبل كده ؟؟ وعملت ايه لما حسيت بظلمك ؟؟

عمرى ماظلمت حد الحمد لله لانى محبش ان حد يظلمنى عشان اظلم حد

لو حد قالك انا زعلان منك عشان الموقف الفلانى وفعلا انت غلطان هل هتعتزرله ولا هاتكبر دماغك ؟؟

مش عيب خالص انى اعتذرله طبعا ... وحتى لو مكنتش غلطان وهو مش مصدق نفسه غلطان المهم ابقى انا عارف كده ومصدق نفسى
واعديها عشان الصحوبيه دى تكمل

اأيه رأيك فى المنتدى بصراحه ؟؟ ولو عندك تعليق قوله
المنتدى كشكل .. انا بحب الاستايل ده من المنتديات وبحب التعامل معاه اوى
اعضاء ومضون ... اعضائه كلهم ناس محترمه وعلى خلق والواضح انهم على دين كمان ... ربنا يثبتهم يارب

وشكرا يا ام عمرو ع الورطه

تمام كده برافو عليك

أنتظر المزيد من الأسئله بحذرك

ولحظة الانتقام بانج

عاااااااااااااااااااااااااااااادى جدا
ولا بيهم الرعد على فكره
وهتوشفو الايام السوده والكحلى
انا تعملو فيا كده ؟؟؟؟؟؟؟؟؟؟

1-مــــن انـــــــت ؟

2- ماهو هدفك ؟

3-ماهي
أمنيتك ؟

4-ماهي رؤيتك للحياة ؟

5-ماهي رسالتك في هذه الحياة ولمن
توجهها ؟

6-ماهي التجربه التي تتمنى تكرارها ؟

7-ماهو أفضل مكان
تتردد إليه ؟

8-مـــــن يطـــــربك ؟

9-من هو توأم روحك ؟

10-
ماهو اكثر شئ تخشاه ؟

11- مالذي يشعرك بأكثر قدر من الحرج ؟

12-شخص
تحتاج لقربه الآن منك ؟؟

13-متى تغضب ؟

14-باقة ورد لمن تهديها
؟

15- باقة شوك لمن تهديها ؟

16- شخص لاترفض له طلبا
؟

17-ماهي أعظم صفة تفضلها ؟

18-وماهي اكره صفة تنبذها
؟

19-أعظم شيء فقدته ؟

20-وأعظم جرح دفنته ؟

21- اسوأ خبر
سمعته ؟

22-ماذا يمثل لك الموت ؟

23-دعوه صادقه من اعماق قلبك لمن
تهديها ؟

24-اوصف نفسك كما تراها ؟!

25-و اخيراً صف نفسك بكلمات
بسيطة كما يراك الناس ؟؟؟؟

كل ده يامفترييه انا هانتتقم اه بس مش للدرجه دى

هههههههههههههههههه

اشرب بقي يالرعد

هههههههههههههههههههههههههههههه

خليه يدوق مش كان حططنى فى ورطه

سبينى انتقم باه

يعنى كنتى نفذتى فيها حاجه ؟؟
1-مــــن انـــــــت ؟

انا احمد السيد الصيرفي ..شخص بسيط احلامه ف الدنيا قليله وشخص ف حاله مش بيحب المشاكل

2- ماهو هدفك ؟

اظن جاوبت ع السؤال ده مره ... هدفى انى ربنا يوفقنى ف الدراسه واخط البنت اللى انا حبيتها

3-ماهي
أمنيتك ؟

ياراجل ماهو نفس السؤال

4-ماهي رؤيتك للحياة ؟

ايه الاسأله الكتيره دى اللى شبه بعض دى ... مليش رؤيه للحياه سبيها لله

5-ماهي رسالتك في هذه الحياة ولمن
توجهها ؟

هى مش رساله ... هى نصيحه اوجهها لاى شخص ... ياريت محدش يآمن لحد بسرعه يابشر

6-ماهي التجربه التي تتمنى تكرارها ؟

امتحانات الثانويه العامه ...هههههههههه

7-ماهو أفضل مكان
تتردد إليه ؟

بئر مسعود بالاسكندريه اكتر مكان بحب اقعد فيه ولوحدى

8-مـــــن يطـــــربك ؟

مطرب ايه ؟؟... لو مغنى .. عمرو دياب هههههههه

9-من هو توأم روحك ؟

محمد عمرو الحديدي ... صديقى واكتر شخص بشيكله همومى وبحكيله اسرارى
اكيد مش تعرفوه

10-
ماهو اكثر شئ تخشاه ؟

الموت وانا لسه مش التزمت ... ربنا يهدينى

11- مالذي يشعرك بأكثر قدر من الحرج ؟

12-شخص
تحتاج لقربه الآن منك ؟؟

كل المقربين منى مش عاوز اخسر اى حد

13-متى تغضب ؟

انا عصبى جداااااااااااااااااا اى حاجه ممكن تخلينى اتعصب واقول اى كلام ف اى كلام

14-باقة ورد لمن تهديها
؟

لنفسى ... امال اهديها لحد فيكم وانتو مورطنى ولا ايه ؟؟

15- باقة شوك لمن تهديها ؟

لنفسى برضه بلاش نأذى حد ... هو لو فى حد كان (ام عمرو عشان ورطتنى)بس مش هقول اسماء بقى

16- شخص لاترفض له طلبا
؟

قلبى ... يعنى من الاخر لما ييجى ف دماغى اى حاجه بنفذ على طول ..وكمان اصدقائى
لانهم مش بيرفضو ليا اى طلب

17-ماهي أعظم صفة تفضلها ؟

الكرم

18-وماهي اكره صفة تنبذها
؟
عكس الكرم

19-أعظم شيء فقدته ؟
الحمد لله انا من الناس اللى بعرف احافظ على اثمن الاشياء ولم افقد شئ من قبل

20-وأعظم جرح دفنته ؟

ايضا الحمد لله لم اجرح من قبل من اى جحه.. ولكن انخدعت ف واحد صاحبى .. وف وانخدعت ف شخص اخر مذكر محدش يفتكر حاجه يعنى ههههه بس مش هقول صلته بيا ايه

21- اسوأ خبر
سمعته ؟

وفاة صديقى طارق .. ووفاة عمو كمال الله يرحمهم يارب

22-ماذا يمثل لك الموت ؟

ف هذا الوقت ...شبح مخيف.. انما هو حق علينا

23-دعوه صادقه من اعماق قلبك لمن
تهديها ؟

نفسى .. ادعو نفسى دعوه صادقه من القلب ان اتجه الى الطريق الصحيح والالتزام الصح

24-اوصف نفسك كما تراها ؟!

انا شخص يحب الناس
اللى ف قلبى على لسانى
طيب مش بحب الشر لحد
مش بحب اغلط احد
مش بسامح على طول
عصبى جدااااا ممكن ازعل حد منى وارجع اصالحه
ممكن لو زعلت من حد بسبب انه عمل فيا حاجه بفضل شايلها له يعنى قلبى اسود ههههههههه
بس ابيض والله مش عارف ازاى

11- مالذي يشعرك بأكثر قدر من الحرج

السؤال ده مش لقيت له اجابه بجد لانى مش عارف انا ممكن انكسف من ايه
انا بطبعى واللى الناس بتقوله انى شخص خجول جدا غريبه مع انى مش شايف كده
فمش عارف بقى ايه الاجابه الصح

برافو عليك

انتظر باقى الاسئله

مشكور يارعد على اجابتك العظيمه

ومشكور عشان عرفتنا بنفسك اكتر

ها مين اللى جاى ؟؟؟؟؟؟؟

انت مستعجل على ايه لسه الاسبوع مش خلص

وكمان هو مين اللى هيختار الجاى اصلا

هو قصده مين الى الجاى يحط أسئله يعنى

بتحب تلبس على الموضه ؟؟ ولا مش بفرق معاك ؟؟

لما بتبقي مضايق او زعلان بتعمل ايه ؟؟

مين اكتر واحد بتشتكيله همك ؟؟

ما النصيحه التى وجهت إليك وتتذكرها لحد الآن ؟؟

أسعد خبر سمعته ؟؟ واسعد لحظات قضيتها ؟؟

يالا جاوب بسرعه كرسى الاعتراف - صفحة 2 122355

بتحب تلبس على الموضه ؟؟ ولا مش بفرق معاك ؟؟

لا خلاص مش بتفرق معايا الموضه وكده انا بلبس اللى اشوف انه حلو عليا واشوف انه عاجب الناس ومش بتفرق معايا حكايه الموضه دى لان الموضات اللى بتطلع حاجه تكسف الصراحه

لما بتبقي مضايق او زعلان بتعمل ايه ؟؟

بقعد ع النت وادخل على اى منتدى من اللى انا شغال عليهم او الاكتر الفيس بوك يعنى المهم اشوف حاجه تضحكنى مش بحب انا لما اضايق اقفل على نفسى وكده

مين اكتر واحد بتشتكيله همك ؟؟

اقرب الناس ليا ... نو كومنت

ما النصيحه التى وجهت إليك وتتذكرها لحد الآن ؟؟

كانت نصيحه من بابا ... قالى فيها فكر كويس قبل ماتعمل اى خطوه متهوره تندم عليها والحمد لله مشيت عليها

أسعد خبر سمعته ؟؟ واسعد لحظات قضيتها ؟؟

دى فيها شويه خصوصيات لان اسعد خبر واسعد لحضات قضيتها خاصه شويه
ممكن اقولها لبنت خالتى لكن مينفعش اقولها ع المنتدى كده يعنى

وياللا ف انتظار القااااااااااااادم واهتو اخركم ف الاٍٍسأله عشان انتقامى شدييييييييد وكويس انى اتورط بدرى بدرى انت فاكرين انها حاجه تزعلنى

انى اتورط بدرى ولكن
بخبرتى الخططيه والحربيه
اقول ان دى استراتيجيه قويه جدا عشان الانتقام قااااااااااااادم

معلش فضيت وجيت ليك باباشا

1 / ايه اصلا هى همومك اللى ممكن تشكيها لااصحابك ؟

2 / تعمل ايه لو روحت تخطب ودخلت الحمام ونسيت تقفل الباب ودخل ابوها عليك فى الحمام ؟

3 / تعمل ايه لو روحت تخطب ودخلت الحمام وفتحت الحنفيه وغرقت بنطلونك كله ميه ؟

4 / بتفكر تعمل ايه بعد الكليه ؟

5 / ايه حلمك المكرر ؟

6 / ايه حلم اليقظه اللى بتحلمه طول الوقت ؟

7 / حبيت تتعرف على بنت معاك فى الكليه ولما جيت تكلمها ضربتك بالقلم قدام الدفعه ؟

8 / اختار اسوء 5 موضوعات فى المنتدى ؟ السوال اجبارى يعنى مش تقول مفيش او كل الموضوعات حلو صح كل الموضوعات حلوه انا عايزك تختار اوحش الحلوين

9 / ايه القسم اللى فى المنتدى مش بتحب تشارك فيه او لما بتشارك مش بتقرا موضوعاته بااهتمام ؟

10 / لو توفر قدامك فرصه انك تسرق بنك ومفيش حراسه ومفيش حد هتعمل ايه ؟

11 / لو فوزت بجائزه 100 مليون جنيه هتعمل ايه ؟

12 / لو صحيت مره من النوم علشان تروح الكليه ولبست هدومك وخرجت وركبت السياره ووصلت الكليه وعلى باب المدرج اكتشفت انك من غير بنطلون ؟

13 / هتعمل ايه انك خطبت بنت بتحبها جدا واول مره تخرج معاها قبلت حبك القديم ووقفتك وقالتك لسه بتحبنى ولا ؟

14 / يوم فرحك روحت تاخد العروسه من الكوافير والعروسه كانت مغطيه وشها بطرحه وبعد مااخدتها وركبت السياره ورحت القاعة لقيت العروسه واحده تانيه هتعمل ايه ؟

15 / انت مسافر معاك واحد صاحبك وجنبك بنت جميلة وطول الطريق انت قاعد تعاكسها وتقول ليها كلام خارج وبعد ماوصلت صاحبك قالك دى اختى هتعمل ايه ؟

كفايه عليك كده النهارده

س - لماذا خُلقت المرأة بكل هذا الجمال؟

س - ولماذا خُلقت بكل هذا الغباء؟

س - كيف يعتبر الرجل نفسه متعاونا في الأعمال المنزلية؟

س - كيف
يفهم الزوج تقسيم المهام مناصفة في أعمال المنزل؟

س - ما
وجه الشبه بين الرجال وإعلانات التليفزيون؟

س - لماذا لا يُحسن الرجال التعبير عن أحاسيسهم؟

س - ما هي الحالة الوحيدة التي يطلب الرجل فيها من زوجته
تناول العشاء في ضوء الشموع؟

س - كيف
يمكنك التمييز بين هدايا الزوج الودية , وهداياه لما يكون عامل عملة؟

س - ما وجه الشبه بين الرجال والطقس؟

س - ما الفرق بين رجل في
الأربعين من عمره و امرأة من نفس السن؟

س - ما وجه الشبه بين الرجل والشهادة الكبيرة؟

س - متى
يتذكر الرجل أن المرأة تفتقر للتفكير المنطقي؟

1 / ايه اصلا هى همومك اللى ممكن تشكيها لااصحابك ؟

من عادتى مش بشيل هموم كتير او مش بحب اشيل بحب افضفض على طول وهمومى مش كتيره اوى انما اى مأزق او اى حاجه بحس انى عاوز احكيها بقولها

2 / تعمل ايه لو روحت تخطب ودخلت الحمام ونسيت تقفل الباب ودخل ابوها عليك فى الحمام ؟

مايدخل ماهو راجل برضه ... وبعدين ازاى انسى اقفل الباب يعنى دى حاجه مش بتحصل... اكيد انت عملت كده ههههههههههه

3 / تعمل ايه لو روحت تخطب ودخلت الحمام وفتحت الحنفيه وغرقت بنطلونك كله ميه ؟

هقولهم ابقى اتصلو بالسباك يصلح لكم الحنفيه دى يانهار ابيض على الناس البخله دى واقوم سايبهم ومش اخطب بنتهم

4 / بتفكر تعمل ايه بعد الكليه ؟

ان شاء الله كل هدفى دلوقتى انى اسافر عشان اعرف اكون نفسى واقدر اعيش مراتى ده لو مش دخلت قسم مساحه بس بأذن الله هعمل كل اللى عليا وادخله

5 / ايه حلمك المكرر ؟

التوفيق ف الدراسه ثم التوفيق ف الدراسه ثم التوفيق ف الدراسه

6 / ايه حلم اليقظه اللى بتحلمه طول الوقت ؟

لما اخلص كليتى واخطب واعيش مع مراتى ف بيت واحد واقدر اسعدها

7 / حبيت تتعرف على بنت معاك فى الكليه ولما جيت تكلمها ضربتك بالقلم قدام الدفعه ؟

لااااااااا عمره ده ماهيحصل لان اولا انا مش بتعرف على بنات ف الكليه ولا ف دماغى وبجد مش بكدب يعنى
ثانيا حتى لو ده حصل عمر ماواحده تعمل كده اللا انا كنت قليل الذوق اوى وانا مش كده برضه فده مش هيحصل ابدا

8 / اختار اسوء 5 موضوعات فى المنتدى ؟ السوال اجبارى يعنى مش تقول مفيش او كل الموضوعات حلو صح كل الموضوعات حلوه انا عايزك تختار اوحش الحلوين

طيب ياسيدى هقول اقسام المرأه كل المواضيع اللى فيها وحشه ... عشان انا مش مسموحلى ادخل ومش بقرأها بالتالى هناك اقسام مقدرش انى استفاد منها تبقى وحشه ... هربت بذكاء برضه ههههههه

9 / ايه القسم اللى فى المنتدى مش بتحب تشارك فيه او لما بتشارك مش بتقرا موضوعاته بااهتمام ؟

الشعر والخواطر وده ف اى منتدى مش هنا بس

10 / لو توفر قدامك فرصه انك تسرق بنك ومفيش حراسه ومفيش حد هتعمل ايه ؟

مش هقولك بقى \لأ ضميرى مش يسمحلى ... لأالالا شغال اوى مفيش اى مانع هههههههههههه

11 / لو فوزت بجائزه 100 مليون جنيه هتعمل ايه ؟

بس ييجو ازاااااااااااااااااى ... 100 مليون كتير اوى اكيد هعمل كل اللى ف نفسى ... واول حاجه هعملها انى اسعد بيها مراتى لانى بحبها ... او هحبها هههههههههههه

12 / لو صحيت مره من النوم علشان تروح الكليه ولبست هدومك وخرجت وركبت السياره ووصلت الكليه وعلى باب المدرج اكتشفت انك من غير بنطلون ؟

اييييييييييييه ياعم الاسأله دى انت عاوز تكتر ف الاسأله وحلاص... يعنى اللى ف البيت هيسيونى ...وكمان لما اركب العربيه اصحابى ولا السواق حتى هيسيبنى ...وكمان هنزل ف الموقف ولسه تاكسى ولسه حرس ... ده كله مش هاخد بالى .. لالا فاكس اوى السؤال ده

13 / هتعمل ايه انك خطبت بنت بتحبها جدا واول مره تخرج معاها قبلت حبك القديم ووقفتك وقالتك لسه بتحبنى ولا ؟

انا لو فعلا خطبت بنت بحبها جداااا يبقى لازم انسى حبى القديم لان الحب مش بينسيه اللا الحب ... فمش معقوله هخطبها كمان وابقى مسؤوول والبت تقولى بحبك اقولها وماله واقول لخطيبتى غورى ولا ايه ؟؟

14 / يوم فرحك روحت تاخد العروسه من الكوافير والعروسه كانت مغطيه وشها بطرحه وبعد مااخدتها وركبت السياره ورحت القاعة لقيت العروسه واحده تانيه هتعمل ايه ؟

هبقى ادور عليها بعد الفرح

15 / انت مسافر معاك واحد صاحبك وجنبك بنت جميلة وطول الطريق انت قاعد تعاكسها وتقول ليها كلام خارج وبعد ماوصلت صاحبك قالك دى اختى هتعمل ايه

حصلت معايا وانا صغير واحده كانت قمر اوى معديه ف الشارع وكان معايا واحد صاحبى بقوله البت دى جميله اوى .................... قالى دى اختى يا .......... وكنا هنخسر بعض بس الراجل فكر برضه انه لو شاف واحده حلوه هيقول نفس الكلمه وعدهالى ه

اسألتك كلها ملغيه يا مونى
لان دى اسأله اجتماعيه على دينيه وكده ولعبتنا كرسى الاعتراف
يعنى اسأله تخصنى انا واجاباتها تخصنى انا
اسألتك دى كلها لا تعنيني ف شئ ولا تمد ليا بصله
معلش بقى تعبتك ع الفاضى بس مسموحلك تدخلى تانى
جهز نفسك هنا تانى يا ابويوسف وانتقم براااااااااااااااحتك

هههههههه حلوه انك عاكست اخت صاحبك دى

انا كنت هاسألك برضو نفس السؤالين بتوع ابو يوسف

ناوى تعمل ايه بعد الكليه ؟؟ وكمان لو معاك فلوس كتير قوى هتعمل بيها ايه ؟

بس انت جاوبت خلاص بقي

ها هتختار واحد تانى امتى ؟