كرسى الاعتراف

جايبلكم بلعبه جميله جدا ياشباب ياريت تعجبكم

وان شاء الله نتواصل ونتفاعل فيها

اللعبه دى عباره عن اللى هيقعد ع الكرسى هيتسأل ولمدة اسبوع كامل

اى عدد من الاسأله واى عدد من الاعضاء يسألوه على مدار الاسبوع

وعشان احنا ف بلد ومنتدى ديموقراطى

وعشان محدش يزعل منى لانى لسه معرفش حد اوى

هنعد من اول واااحد لحد خمسه

واللى يجى عليه رقم خمسه من حقه اختيار العضو اللى هيقعد ع الكرسى

وانا ابدأ واقول

1111111111111111111111

انت كل مسابقات مده تطويله اوى كده ليه
222222222222222222

33333333333333333333

ياعم عشان كل الاعضاء يتورطو معانا

ياللا انا وانت نبهدلهم ؟؟

44444444444

بس انا رأيي مينفعش لعبتين بنفس المضمون يشتغلو مع بعض

خلينا نركز فى واحده بس يكون أحسن

ولا ايه رأيكم ؟؟!!

5555555555555555

لأ يام عمرو اصل اللعبتين مش نفس المضمون

لان دى اسأله

والتانيه لعبة احكام

وعشان كده بقى اتفضلى انت اقعدى ع الكرسى

يالهوى انا ال جبت دا كله لنفسي

استحمل بقي الى يجرالى هاضربك

ياللا ياشباب ابدؤو الاسأله فورا ومع بدايه اول جواب يبدأ الاسبوع

هروح اتغدى وانزلك بالاسأله

1)اكتر شخص اثر فيكي
2)العاده اللى لا يمكن تبطليها ابدا؟؟
3)ايه الموقف اللى انت حسيتي فيه انك جريئه
4)ايه القرار اللى انت اخدتيه فى حياتك وندمتي عليه
5)حلم كان نفسك تحققيه وكان فى عقبات كتيره
6)ايه مفهوم الصداقه بالنسبه ليكي
7)انت تفتكري انت عايشه ليه
8)هقولك على حبه مواقف وانت تقولى ايه رد فعلك:ـ

ـ

أ)انت متجوزه وليله الفرح تيجى تلمسي شعر جوزك...
والجو رومانسى تحت الشموع...تلاقي جوزك من غير شعر
وشعره باروكه تتصرفي ازاى

ج)
لو جوزك نايم على السرير وبتصحيه وبتقوليله بهدوء ..
انت مش رايح الشغل يا حبيبى
يرد يقولك هقوم اهه يا (محاسن)يا حبيبتى
تعملي ايه بقى ؟؟

9)سؤال نفسك تسئليه ليا ؟
10)نصيحه توجه لاى حد ف المنتدى
11)اقرب الناس ليك فى المنتدى 3 اعضاء

والباقيه تأتى

يالا مستنسسن الاجابه
عشان نحط حد غيرك
توبيك رائع

ميرسي يادودى

بس انت كمان ياللا اسأليها اى نسبه من الاسأله انت عاوزاها واى عدد من المرات كمان

جميله اوى اللعبه دى انا مشتركه معاكم باذن الله

اول لما ام عمرو ترد ان شاء الله على اسالتك يارعد

انا هحط اساله باذن الله

وبارك الله فيك

انزلى بالاساله ياموووووووووونى عشان تموووت ومتلاحقش ترد على ايه ولا ايه

وتقوم قافله المنتدى خالص ونخلص احنا بقى هاهاهاهاهاهاهاهاهاهاه

هع هع هع هع هع هع ضحكات شريره توحى بالشر

ياللا يام عمرو عشان كده كتير اتفضلى جاوبى ياللا

مين اكتر شخص بتحبيه فى الدنيا

مين اكتر شخص بتكرهيه فى الدنيا

ايه اكتر حاجه بتحبي تعمليها

مش لما تبقى تحضر وتجاوب

1 - هتعملى ايه لو عمرو عايز يتجوز واحده وحشه جدا جدا؟

2 - هتعملى ايه لو جوزك هيتجوز عليكى النهارده ؟ g,g

3 - هتعملى ايه لو جوزك اتجوز عليكى وعايز العروسه تقعد معاكى فى نفس الشقه؟

4 -هتعملى ايه لو جوزك عايزك تختارى العروسه ؟

5 - هتعملى ايه لو عندك عزومه كبيره فيه اهل جوزك وحرقتى كل الاكل ؟

ياااااااه كل دى أسئله والله تموت من الضحك

ربنا يعيينى ان شاء الله وأجاوب

هابدأ اهو ان شاء الله بس براحه عليا وحد يجبلى عصير

elra3d كتب:: 1)اكتر شخص اثر فيكي

أنا مش عارفه تقصد أثر فيا ازاى بالظبط بس لو تقصد قدوتى يعنى والى بحب أعمل زيه

هو الأول بابا فيه حاجات كتير بحبها فيه عقله مثلا وهدوءه وصبره على سماع مشاكل الغير ومحاولة حلها

اما بقي من جوزى ببقي عايزه أتعلم منه حاجات كتير قوى مش هاخلص لو قلتها

2)العاده اللى لا يمكن تبطليها ابدا؟؟

الأنترنت

3)ايه الموقف اللى انت حسيتي فيه انك جريئه

مواقف كتير والله مش فاكره حاليا بس انا طبعي الجرئه والمجازفه

4)ايه القرار اللى انت اخدتيه فى حياتك وندمتي عليه

الحمدلله انا دايما ندمانه هههههه لانى متسرعه جدا فى أفعالى ومش بفكر كويس

ويمكن ناس كتير بتزعل منى بالسبب ده

5)حلم كان نفسك تحققيه وكان فى عقبات كتيره

إنى أدخل القسم العلمى فى الثانوى وأدخل كلية هندسه واكمل تعليمى

بس طبعا العقبات كانت خطوبتى اولا بعد كده بقي الجواز والخلفه خلانى كرهت التعليم اصلا

6)ايه مفهوم الصداقه بالنسبه ليكي

الصديق الحقيقي الى يقف جنبك وقت الشده والفرح يكون دايما بجانبك اذا احتجت إليه

يفرح لفرحك ويزعل لزعلك ويكون دايما مستعد ان يسمعك ويشاركك مشاكلك ويحاول يحلها معاك

7)انت تفتكري انت عايشه ليه

دى حاجه بتاعت ربنا بقي .. بس طبعا كلنا مخلوقين للعباده ولطاعة الله عز وجل

8)هقولك على حبه مواقف وانت تقولى ايه رد فعلك:ـ

أوك

ـ

أ)انت متجوزه وليله الفرح تيجى تلمسي شعر جوزك...

والجو رومانسى تحت الشموع...تلاقي جوزك من غير شعر

وشعره باروكه تتصرفي ازاى

هاتخض وهازعق ازاى يخبي عليا حاجه زى كده المفروض يقولى عيوبه قبل الجواز

وانا يأما اوافق او أرفض وبعد كده حسب رد فعله اما هاسمحه وأرضي بالأمر الواقع

أو طبعا هانفصل

أيه السؤال الغريبه ده

ج)
لو جوزك نايم على السرير وبتصحيه وبتقوليله بهدوء ..

انت مش رايح الشغل يا حبيبى

يرد يقولك هقوم اهه يا (محاسن)يا حبيبتى

تعملي ايه بقى ؟؟

هاقوله مين محاسن دى ان شاء الله هايقولى كنت بحلم والله ههههههههه

9)سؤال نفسك تسئليه ليا ؟

أيه أكتر موقف عكنن عليك وضايقك وقررت تقاطع صحبه بسبب الموقف ده ؟؟

10)نصيحه توجه لاى حد ف المنتدى

بنصحهم يشهرو المنتدى شويه ويساعدونى بقي

11)اقرب الناس ليك فى المنتدى 3 اعضاء

هو المنتدى كام عضو اساسا عشان اختار 3 انت كريم قوى

بس الأختيار صعب الصراحه لان كلهم حبايبي ويصعب الاختيار منهم

لكن أقربهم لى حاليا مونى طبعا

والباقيه تأتى

كفايه بقي حرام عليك هبطنى لسه فيه بقيه

مونى الصغيرة كتب:: مين اكتر شخص بتحبيه فى الدنيا

عموره طبعا وأبوه عشان ميزعلش

مين اكتر شخص بتكرهيه فى الدنيا

والله مش بعرف أكره انا ممكن ازعل وأشيل جوايا شويه بس بمجرد

ماالشخص الى مزعلنى ييجى يصالحنى

ويقولى كلمه حلوه بنسي كل شىء

ايه اكتر حاجه بتحبي تعمليها

كنت بحب زمان الكتابه والمشي .. حاليا بحب أفتح مواقع وأقرا الأخبار

ابو يوسف كتب:: 1 - هتعملى ايه لو عمرو عايز يتجوز واحده وحشه جدا جدا؟

لو عمرو !! ربنا يدينا طولة العمر بقي

بس لو عايز هحاول معاه الاول أقنعه واعرض عليه عرايس احلى

ولو رفض ودا اكيد لأنه عنيد جدا .. هاسيبه يختار هو حر دى حياته

2 - هتعملى ايه لو جوزك هيتجوز عليكى النهارده ؟

هازعل وهافضل قاعده على قلبه مش هاسيبه وهحاول أحسسه انه عمل حاجه غلط عشان يصلحها

3 - هتعملى ايه لو جوزك اتجوز عليكى وعايز العروسه تقعد معاكى فى نفس الشقه؟

دا احسن عشان أشوفهم هايعملو ايه ومش يعملو حاجه من ورايا اى نعم هاييجلى الضغط

بس هحاول استحمل عشان أعكنن عليهم ومش اخليه يتهنى بحاجه وهاكرهو فى نفسه وفى عيشته

واخليه يندم على اليوم الى اتجوزها واتجوزنى ومش بعيد اخليه ينتحر ههههههههههههههههههههههههههههههههههههه

4 -هتعملى ايه لو جوزك عايزك تختارى العروسه ؟

هارفض طبعا

5 - هتعملى ايه لو عندك عزومه كبيره فيه اهل جوزك وحرقتى كل الاكل ؟

هارميه بسرعه واحاول أطبخ غيره ولو حاجات بسيطه

ولو مافيش غيره بقي ممكن نتصرف ونجيب اكل من بره وأقولهم الى حصل عادى خالص

احكى اكتر موقف كوميدى مريتى بيه

أيه أكتر موقف عكنن عليك وضايقك وقررت تقاطع صحبك بسبب الموقف ده ؟؟

اكتر موقف ممكن واحد يعمله ف صاحبه وفعلا انا قاطعت صاحبى

انى ف مره كنت سهران مع واحد صاحبى وامنتله على اكبر سر عندى - عشان كده قولت ان ف البطائه بتاعتى نصيحه محدش يأمن
لحد بسرعه - ولقيت تانى يوم السر اتعرف وسببلى مشاكل وقولت اسامحه ف اول مره بعبطى او بأى داعى مش عارف

وبعدها عمل معايا نفس الحركه ومع الطرف التانى ف السر كمان ولحد الان انا قاطعت الشخص ده لان اساسا كان الكل بيخوفنى منه
وانا الوحيد اللى مكنتش بعتبر

هتعملى ايه لو صحيتى من النوم تلاقى نفسك ضربتى جوزك بالقلم وانتى نايمه ؟؟؟؟؟

وانتى نايمه جوزك جاب ميه من الثلاجه رشها عليكى ؟؟؟؟؟؟؟؟؟؟

ابو يوسف كتب:: هتعملى ايه لو صحيتى من النوم تلاقى نفسك ضربتى جوزك بالقلم وانتى نايمه ؟؟؟؟؟

أكيد هايردلى القلم بس لما أصحى عشان احسه

وانتى نايمه جوزك جاب ميه من الثلاجه رشها عليكى ؟؟؟؟؟؟؟؟؟؟

هاضربه ههههههههه وهاعملها فيه تانى يوم عشان يحرم

وفين الجواب بتاع سؤال هبه ؟؟

مخدتش بالى منه ..

بس الصراحه مش فاكره خالص انا زاكرتى ضعيفه جدا

لو حصلى موقف انهارده بنساه بكره

لو فكرالى انتى حاجه فكرينى بيها وساعدينى

هو الأسبوع هايخلص امتى ؟