اكلات مصرية* 100%* بالصور

اكلات مصرية* 100%*
فتة الكوارع

[ندعوك للتسجيل في المنتدى أو التعريف بنفسك لمعاينة هذه الصورة]

المقادير:
كوارع بقر واحد او اثنين حسب عدد الاسرة
ارز مصرى وكبشت شعرية بيدك انتى وتكسريةفى قدر
ملعقتان سمن بلدى
واحد كيلو طماطم
ملعقتين حمص حب ناشف وينقع هذا الحمص فى ماء مدة ربع ساعة
ملعقتان زيت
اربع فصوص ثوم
..ملعقة كمون مطحون فقط
خمسة مكعبات ماجى
حبتان ليمون
خبز ابيض حسب عدد الاسرة
ملح
بهارات
فلفل اسود

الطريقة:
نغسل الكوارع جيد ونضعها فى قدر بة ماء كثير على النار لمدةاربع او خمس
ساعات
الى ان تنضج وكلما نقص الماء نازيدها
بعد نضج الكوارع نضع اربع مكعبات ماجى وشويت فلفل اسود ونتركها على
النار
عشرة
دقائق
بعد ذلك نضع السمن ومعة الشعرية على النار الى ان تحمر ثم نضع الرز
المصرى
ويشوح مع الشعريةشوية ونضع الملح
ونقلبة
جيد ثم نضع الماءونتركة لينضج (واحب ان انبهة ان الرز حسب الكمية المطلوبة والحاجة )
بعد ذلك نضع الثوم فى الهون(النجر) ومعة الكمون وشويت ملح وندقة جيد
نضع الزيت فى قدرعلى النار ومعة خلطة الثوم والكمون الى ان يصفر ثم نضع
الطماطم بعد طحنهاوشويت فلفل اسود وبهار والحمص ونزيدها كوب ماء لينضج
الحمص
ونضع مكعب الماجى ونترك الصلصة تتسبك شوية ونضع الكوارع فى
الصلصة
ونتركها خمس دقائق
نقطع الخبز فى صحن كبير ونغمسة بمرق الكوارع الى ان يتشرب المرق ويطرا
ونضع فوقة الرز ونغطىالخبز بالرز ثم الصلصة والكوارع بعدذلك ونعصر الليمون
فوق الكوارع

محشي الكرنب

[ندعوك للتسجيل في المنتدى أو التعريف بنفسك لمعاينة هذه الصورة]تم تصغير هذه الصورة. إضغط هنا لمشاهدة الصورة كاملة. الصورة الأصلية بأبعاد 676 * 507 و حجم 151KB.
This image has been resized. Click this bar to view the full image. The original image is sized 676x507.

المقادير:
1- كرنبه متوسطه الحجم
2- 1\2 كيلو طماطم
3- واحد كيلو رز
4- بقدونس وكسبره وشبت (زى ما تحبى)
5-بهارات المحشى(بقدونس وشطه حمراء وبهارات تانيه للمحشى)
ملاحظه ممكن تحطي نعناع ناشف ناعم علي الخلطه طعمه جميل جدا.
6- زبده (ولو عندك قشطه كمان)
7- شوربه(ويا سلام لو يكون بط او فراخ)
الطريق:
يسلق ورق الكرنب بعد فصله (بس متسلقهوش اوى)
2-يقطع البصل ويحمر بالسمنه والزيت وبعدين تحطى عليه الطماطم بعد ما تعصر فى الخلاط وتيرك على النار حتى تسبك
3-يوضع الرز على الخلطه السابقه ويقطع البقدونس والكسبره والشبت ويوضع وتوضع البهارات والملح والقشه (لو وجدت)
4-يقطع ورق الكرنب مربعات - ويوضع فى بدايه كل مربع الخلطه السابقه ويلف باحكام
ويرس فى الاناء
وبعد ما تمليه ترشى عليه الشوربه بحيث تغطيه وفوقه سمن وتعلى عليه النار لحد ما يشرب الشوربه الى فوقه
وبعدين توطى عليه النار - لحد ما يشرب الشوربه كلها

الرقاق باللحمه المفرومه:
(الاممة)

[ندعوك للتسجيل في المنتدى أو التعريف بنفسك لمعاينة هذه الصورة]

المقادير:
-12 قطعه رقاق.
-1كيلو لحمه مفروم احمر.
-2بصله متوسطه مفرومه جيدا.
-ملح وفلفل اسمر حسب المذاق (2ملعه ملح صغيره,1ملعقه فلفل اسمر صغنونه برده).
-1ملعقه سمن بلدي او زبده صفراء كبيره +3ملعق زيت زره او عباد الشمس.
-1 ليتر شوربه ساخنه اي نوع شوربه.
>>>>صنيه مستديره لعمل الرقاق.

الطريقه بئي ايييييييه:
-الاول نعمل اللحمه المفرومه تتعصج وهقول ازاي نجيب البصله المفرومه
تتزلها علي ملعقه سمن بلدي كبيره حتي تصبح لونها اصفر دهبي كده ماشي ونجيب
كيلو اللحمه ونعد نقلب فيها ونحط الملح والفلفل معاها وبعدين ايه بئي يا
حلوين نسيبها لحد متسوتي بتاع ربع ساعه بس .

--نجيب الصينية اللي هانعمل فيها الرقاق وندهنها بالسمن
-نسخن نوع الشوربه الموجود عندنا
-نمسك الرقاق و نغطس أول واحد في الشوربه من غير ما تلين و نحطها في
الصينية و ندهنها بالسمنة أو نقطع عليها قطع صغيرة من الزبدة و بعدين نعمل
طبقات تانية من الرقاق بنفس الطريقة حوالي 6طبقات و نفرد فوقه طبقة من
اللحم المعصج و بعدين نحط فوقه طبقات تانية من الرقاق بنفس الطريقة (
نسقيه بالمرقة و نحطه و بعدين ندهنه بالسمنة) لحد ما نعمل برده 6 طبقات و
ندهن الوش بالسمنة جيدا
-ندخله فرن متوسط الحرارة لحد ما يبقى دهبي .

الكرشة والممبار

[ندعوك للتسجيل في المنتدى أو التعريف بنفسك لمعاينة هذه الصورة] This image has been resized. Click this bar to view the full image. The original image is sized 640x505.

اهم شئ التنظيف ثم التظيف ثم التنظيف وقبل التنضيف تجيبيها من جزار تعرفيه كويس
لازم اولا يتنظفو كويس انا شخصيا اى حاجة لونها مش ابيض بشيلها هههههه
الكرشة:
تتنظف ثم تتنضف وبعدين ندعكها بلمون وملح وخل ونشطفها كويس
وبعدين نحطها فى حلة وحليها بصل وتوم وملح وتوابل وصلصة طماطم وعصير طماطم
ونسيبها على النار لغاية ما هى تنزل الميه بتاعتها الافضل تقلبى البصل و
بعدين التوم وبعدين الكرشة تقلبيها معاهم على النار شوية وبعدين زودى
الطماطم وسيبيها شوية وبعدين زودى ميه حسب الحاجة

الممبار بقى بموت فيه
بس برضه اشتريه من حد تعرفيه " بيتهيالى كل الناس فى مصر كل عيله ليها الجزار اللى بتثق فيه"
وبعدين اغسليه بمية واقلبيه وشيلى بالسكين بس برفق عشان ميتقطعش اى شئ
جواه "الجزء الاصفر" وادعكيه طبعا بلمون وملح وخليه فى اللمون شوية
وبعدين قطعيه حسب ما تحبي انا بحب اعمله قطع صغيرة عشان تتاكل على طول او ممكن تعمليه قطع كبيرة وتقطعيه عند التقديم
وتجيبى الخلطة فى ناس بتستعمل خلطة المحشى العادية "رز وصلصة و بقدونس "
بس انا بحب اعمله برز وبعدين نص الطماطم عصير والنص التانى مقطع قطع صغيرة
جدا جدا وطبعا بقدونس وتوابل " كدة اخف لانه هيتقلى كمان مش يبقى مقلى
ومسبك مع بعض كتير ههههه"
وبعدين تفتحتى الممبار وتحشيه ثبتى طرف من الممبار على الصينية اللى فيها
الرز وامسكى الطرف التانى بايديكى الاتنين وافتحيه وبعدين دخللى الرز
باطراف اصابعك
لا تحشيه للاخر واتركى مسافة لنضج الارز
وبعدين تحطى ميه على النار تغلى وتحطى فيها الممبار واحدة واحدة وطى النار
حتى لا ينفجر و هتلاقيه انكمش وبعدين لما اتحسى الرز نضج ممكن تختبريه
بسكين بس كونى حريصة جدا
وبعد النضج طلعيه فى مصفاه ثم حمريه فى الزيت وبالهنا و الشفا

(الحلبسة) او حمص الشام

[ندعوك للتسجيل في المنتدى أو التعريف بنفسك لمعاينة هذه الصورة]

تجيبى اولا الحمص وتنقيه وتغسليه وبعدين تنقعيه فى الماء انا بسيبه من بالليل للصبح وبعدين ترمى ميه النقع وتغسليه
وبعدين تحطيه ممكن فى دماسة الفول وتحطيله ميه وكمون وملح وقطعة بصل ومون
فصين توم يعنى مثلا لوربع كيلو حمص حطي بصلة صغيرة واربع فصوص توم مش كتير
يعنى وممكن تقطعيهم صغير جدا او تبشريهم لو مش بتحبى يظهر فى الاكل
وطماطماية معصورة ولمون وممكن خل بس انا بفضل اللمون بس واتركيه على النار
لحد ما يستوى وممكن اللى يحب يزود شطة او لمون وبالهنا والشفا

الخبيزة على الطريقة المصرية

[ندعوك للتسجيل في المنتدى أو التعريف بنفسك لمعاينة هذه الصورة]

المقادير:
1/2 كيلو خبيزة
حزمة سلق
حزمة شبت
حزمة كسبرة
نص وعاء شوربة لحم
ربع كوب أرز
2 بصلة كبيرة
4 ملاعق كبيرة سمن
رأس توم مدقوقة

الطريقة:
يغسل الشبت والكسبرة ويقطع إلى قطع رفيعة جدا بالسكين ثم نضعهم على الشوربة على نار متوسطة.
نغسل الأرز واضعه ليسلق مع الشوربة.
تنظف الخبيزة جيدا (تقطف الزهرة (وتغسل وتُصفى ثم تُخرط مع السلق، أو نضعها على النار لتسلق مع السلق ثم نضربهم في الخلاط.
خذي الخليط وضعيه على الشوربة وبعد غلوتين وبعد أن نجد الخليط قد أصبح سميكا بعض الشيء نطفي النار.

الطشة:
نقشر البصل ونبشره بالمبشرة ونضعهم مع السمن في وعاء على نار متوسطة لتحمر.
بعد أن يصفر لونه ضعي عليهم رأس التوم المدقوقة
بعد أن يحمر الثوم ضعي عليهم الخبيزة (الخليط الذي تم صنعه سابقا)
ثم أقلب وأطفي

بالنسبة للكشك

[ندعوك للتسجيل في المنتدى أو التعريف بنفسك لمعاينة هذه الصورة]

وهومن الأطباق التركية المحبوبة لدى المصريين ، وهو سهل الإعداد والتحضير ومفيد فى نفس الوقت لإحتوائه على اللبن والدقيق .

المقادير :
- 2 كوب شوربة ( فراخ – بط – أوز ) مضاف لها ملح وفلفل .
- 3 ملعقة دقيق .
- كوب كبير لبن .
- بصلة متوسطة .
- 2 ملعقة أرز.

الطريقة :
- ترفع الشوربة على النار وبعد غليانها يضاف الارز بعد غسيله .
- يخفق اللبن مع الدقيق جيداً ثم يضافوا على الشوربة بعد نضج الأرز ويقلب .
- يستمر التقليب حتى يصبح القوام مناسباً .
- ثم يصب فى أطباق ويستخدم البصل المحمر للتجميل

السبانخ بالصلصة:

[ندعوك للتسجيل في المنتدى أو التعريف بنفسك لمعاينة هذه الصورة]

اولا نعمل الصلصة " التسبيكة" بصل مفروم نحمره وبعدين نضيف له طماطم
معصورة و ملح وتوابل ونتركه على النار حتى تتماسك ثم نضيف السبانخ " بعد
تنضيفها وتقطيعها طبعا" وشوربة لحم وممكن نضع اللحم ايضا بها وبعدين
نتركها حتى يذبل ورق السبانخ فى الصلصة ثم نحمر قليل من الارز المصرى "
واحيانا يستعمل الفريك" فى طاسة حتى يتحول للون الذهبى ثم نضيفه للسبانح
ونضيف الملح و التوابل حسب الرغبة ولكن للعلم السبانخ لا تحتاج لكثير من
الملح لانها تحتوى على املاح ويكون علامة نضجها هو نضج الارز الموجود بها
وتؤكل مع ارز محمر "حبة وحبة"
احيانا فى الصعيد يتم طبخ السبانخ خضرا بدون صلصه حمرا
وذلك بوضع السبانخ فى الشوربة حتى تذبل "دون صلصة" ثم الارز المحمر وباقى الخطوات عادى
البسيسه

[ندعوك للتسجيل في المنتدى أو التعريف بنفسك لمعاينة هذه الصورة]

هى فكرتها قائمة على خلط زيت مع سمن وخلط دقيق قمح مع دقيق ذرة،
والسمنه ضعف الزيت ودقيق القمح ضعف دقيق الذرة
وحلوة جداجدا مع الشاى بلبن
المقادير
1 و1/2 كوب سكر 4 بيضات 1/2 كوب سمن أو زبد 1/4 كوب زيت 2 ملعقة بيكنج
باودر 1/4 ملعقة كربونات الصودا 2 كوب دقيق 1 كوب دقيق ذرة 2 كوب زبادي
ملعقة فانيليا سمسم للوجه
الطريقة
يضرب البيض والسكر والفانيليا في الخلاط (الخاص بالعصائر). .1ثم يضاف
الزبد والزيت ويستمر بالضرب. .2ثم يضاف الزبادي ويستمر بالضرب. .3ينخل
الدقيق والبودر والكربوناته ودقيق الذرة ويضاف للخليط السابق ويستمر
بالضرب. .4ندهن صينيتين بالزبد وتصب البسيسة بحيث يكون ارتفاعها 2 سم وترش
بالسمسم على الوجه وتدخل فرن متوسط الحرارة لمدة 15 – 20 دقيقة حتى تنضج
ويحمر الوجه. .

القرنبيط المقلى:

[ندعوك للتسجيل في المنتدى أو التعريف بنفسك لمعاينة هذه الصورة]

نقطع زهور القرنبيط
ونسلقه فى ماء ساخن نصف سلق
وبعدين نحضر الخلطة اللى هى " لبن ، بيضه، ملعقتين دقيق، ملح ، توابل، بقدونس " ونضع القرنبيط فى الخلطة ثم نقليه فى زيت حار وعميق
وممكن عمل نفس الخلطة للبطاطس
وممكن عمل القرنبيط فى الفرن نحط القرنبيط بعد سلقه فى صينية ثم نضع نفس الخلطة فوقه وندخله الفرن بس المقلى افضل طبعا فى الطعم

طبق الكبده بالدمعه

[ندعوك للتسجيل في المنتدى أو التعريف بنفسك لمعاينة هذه الصورة]

المقادير
نصف كجم كبده - نصف كجم طماطم _قليل من الشطه _عصير بصله _ربع راس ثوم مفري - عصير ليمونه -م خل
قليل من الماء -ملح وفلفل -زيت للتحمير
الطريقه
1 -يغسل الكبده ثم تقطع شرائح متوسطة الحجم ويتبل بالملح والفلفل وعصير الليمون والبصل وتترك نصف ساعه
2- تغطى بالدقيق وتحمر في الزيت وترفع ويحمر الثوم مكانها ثم نضيف له عصير
الطماطم وتترك على النار تتسبك قليلا ويضاف الخل وقليل من الماء وتتبل
3- تقطع شرائح الكبده المقليه لشرائح اصغر او تترك كما هي وتضاف للصلصه السابقه وتترك بها 10 دقائق حتى تغلي
وتغرف وتجمل بالبقدونس وتقدم ساخنه

(المسقعة)

[ندعوك للتسجيل في المنتدى أو التعريف بنفسك لمعاينة هذه الصورة]

اكلة مصرية شهية جدا ممكن تقدم مع خبز بلدي او شامي او حتى فينو ( صامولي )

وممكن ايضا مع أرز مصري أبيض ..
مفيدة وقيمة غذائية عالية .. ولذيذة جدا ..

المقادير :
كيلو باذنجان رومى
ربع كيلو فلفل أخضر
نصف كيلو طماطم
ملح، فلفل أسود , كمون , كزبرة جافة

ثوم
خل
( ربع كيلو لحم مفروم معصجة حسب الرغبة )

الطريقة :
نقشر الباذنجان ونقطعه حلقات ونحمره في الزيت حتى يصير لونها ذهبي داكن ,
ونحمر أيضاً الفلفل الأخضر مع ترك فلفلتين مقعطين على جنب بدون تحمير ..
نصفيهم من الزيت ونتركهم.
تقطع الطماطم قطعا مثل قطع السلطة المكعبات الصغيرة ..
نهرس الثوم ونحمره فى طاسة القلي مع قليل من زيت الذرة , ثم نضيف له قطع
الفلفل المتبقية وتقلب معه نصف دقيقة , ثم يطش بالخل مع وضع الملح
والتوابل عليه , ثم تضاف قطع الطماطم وتترك من ثلاث دقائق الى خمس دقائق
حتى تدبل قليلا ..
ثم نوزعها على الباذنجان والفلفل المقلي في سيرفيز التقديم
ولا مانع من رشة بقدونش مفري للتزيين
يمكن اضافة اللحمة المفرومة المعصجة وادخالها الفرن تحمر قليلا او حسب الرغبة

الحمام بالفريك

[ندعوك للتسجيل في المنتدى أو التعريف بنفسك لمعاينة هذه الصورة]

المقادير:

زوج حمام مغسول و مجهز
بصلة مفرومة وبصلة سليمة
ملعقة سمن
ثلاثة أرباع فنجان فريك
ملح وفلفل
حبهان و قرفة
كبدة – قوانص مقطع

الطريقة

-تحمر البصلة المفرومة في السمن حتى تصفر ثم تتبل و يضاف الفريك و الكبد و القوانص و تتبل ثم تقلب على النار ثم ترفع
-يحشى الحمام من الحوصلة و الجوف ثم يخاط أو يغلق باستعمال أعواد الأسنان
-يسلق في كمية مناسبة من الماء مع البصلة و حبتان من الحبهان و ملح و فلفل حتى النضج
-ينشل من الماء و يحمر في القليل من السمن ثم يفك الخيط و يزال عود السنان و يقدم مجملا بالبقدونس

ملحوظة: يمكن استبدال الفريك بالأرز

البصارة

[ندعوك للتسجيل في المنتدى أو التعريف بنفسك لمعاينة هذه الصورة]

المقادير:
250 جم فول مدشوش منقوع طوال الليل
5 بصلات كبيرة مبشورة
نصف راس ثوم مقشر و مبشور
حزمة شبت مغسول و مفروم
2 حزمة كزبرة خضراء مغسولة و مفرومة
حزمة بقدونس مغسولة و مفرومة
معلقتين نعناع جاف
2 ملعقة كبيرة كمون
2 ملعقة كبيرة سمن
ملح فلفل و شطة

الطريقة:
-يغسل الفول جيدا ثم يغلى غلوة واحدة في مقدار من الماء يكفي لتغطيته
-يصفى من الماء و يغسل ثانية
- يضاف له كمية أخرى من الماء تكفي لتغطيته و يضاف الثوم و التوابل و
النعناع الجاف و بصلة واحدة مبشورة و يترك على النار حتى يتم نضجه و يقل
مقدار الماء جدا
-تضاف الخضرة الفرومة و تترك على النار 5 دقائق
يرفع من على النار و يوضع في الخلاط و يفرم جيدا حتى نحصل على معجون كثيف
-تقدح السمن و يحمر فيه باقي البصل المبشور ثم يضاف على البصارة مع التقليب على نار هادئة مع ترك القليل من البصل ليرش على الوجه

-تصب في إناء التقديم و ترش بالبصل المحمر (تقدم ساخنة أو باردة)

طاجن البطاطس بلحم الضأن

[ندعوك للتسجيل في المنتدى أو التعريف بنفسك لمعاينة هذه الصورة]

المقادير:

- كيلو جرامان بطاطس مقطعة مكعبات

- مكعبات من لحم الضأن بالعظام

- 2 بصلة كبيرة مقطعة حلقات

- ملح وفلفل اسود وجوزة الطيب

- ملعقة متوسطة سمن

- ثلاث ملاعق متوسطة صلصة طماطم

الطريقة:

-يغسل اللحم جيدا ويتبل بالملح والفلفل الأسود وجوزة الطيب وقطرات من الخل الاحمر لتفكيك أنسجته وسرعة نضجة لإحتوائه على العظام

-يقلب البصل فى السمن ويضاف اليه لتر ماء ومعجون الطماطم و اللحم ويترك حتى ينضج ثلاثة أرباع نضج
-تقطع البطاطس الى مكعبات وتغسل وتضاف للحم
-تترك على نار متوسطة حتى يتم النضج

طاجن الأرز المعمر

[ندعوك للتسجيل في المنتدى أو التعريف بنفسك لمعاينة هذه الصورة]

المقادير :
كوب من الأرز المنقى ومغسول / 2 كوب لبن / 2 ملعقة سمن / ملح / فلفل / ملعقة قشدة للوجه

الطريقة :
· يدهن طاجن فخار أو صينية دهنا جيدا بالسمن .
· يوضع الأرز فى الطاجن و يصب فوقه اللبن المتبل بالملح و الفلفل و يزج فى فرن متوسط الحرارة حتى يقرب من النضج .
· توزع ملعقة القشدة على السطح و يعاد الطاجن للفرن حتى يتم نضجه و يحمر وجهه و يقدم ..

ارز معمر بالطيور

[ندعوك للتسجيل في المنتدى أو التعريف بنفسك لمعاينة هذه الصورة]

المقادير :

كالأرز السابق مضاف إليه ( الحمام أو السمان أو دجاج صغير ) وذلك حسب الرغبة
الطريقة :
· تترك الطيور صحيحة أو تقطع أنصافا و تتبل جيدا بالملح و الفلفل .
· يعد الطاجن كما سبق و يوضع نصف مقدار الأرز ثم ترص الطيور ثم يوضع باقى مقدار الأرز .

الفتة بالخل والثوم

[ندعوك للتسجيل في المنتدى أو التعريف بنفسك لمعاينة هذه الصورة]

المقادير علي حسب عدد الافراد الذي يتفضلوا علي الغذاء لحم بالعظم ارز عيش (خبر محمص بالفرن)
صلصه طماطم 1 حبه طماطم 2فص ثوم مدقوق ناعم 1 ملعقه خل 2 بصل 2ملعقه سمنه

الطريقه نضع اللحم في حله علي النار مع حب الهيل وبصله صغيره ورشه فلفل اسود وتترك علي النار حتي النضج
ثم نقوم بتسويه الارز الابيض ثم في حله اخري نقطع البصل قطع صغيره ونحمر
في السمن ونقشر حبه الطماطم ونضيفها الي البصل ونحمره شويه مع بعض تم نضيف
اليهم علبه الصلصه ونتركها تتسبك علي النار ثم ناخذ شويه في حله صغيره من
الصلصه بعد النضج ونضيف اليهم مقدار 3 اكواب من الشوربه بتاعه اللحم بعد
ان تكون استوت وضبط الملح والتوابل عليها حسب الرغبه
ثم نقطع الخبز بعد ان نكون حمصنه فب الفرن واصبح لونه ذهبيا
اخضري طبق غويط او صنيه بايركس علي حسب ما تحبي تقدمي الفته
ضعي الخبر في الصنبه اوالطبق الكبير وصبي عليهم الصلصه المضاف اليها
الشوربه ثم ضعي طبقه من الارز الابيض ثم ضعي طبقه من الصلصه المسبكه علي
وجه الارز ثم قومي بتشويح اللحمه تشويحه خفيفه ( تحمير خفيف ممكن في نفس
الحله التي تمت عمليه تسوبه اللحمه فيه بدون ان تضيف اي ماده دهنيه فقد
ضيفي فلفل اسود ناعم وملح حسب الرغبه ثم قومي بتوزيع اللحمه في الصنبه
واسكوبي باقي الصلصه المسبكه ثم في مقلي ضغيره قومي نتحمير الثوم وعند ما
يحمر ضيفي اليه ملعقه الخل ثم ضيفي اليها شويه من الشوربه او الصلصه مقدار
3 ملاعق ثم ضفيهم الي الصنيه علي الوجه مع مراعاه ان تقومي بتوزيعهم علي
كل الصنيه
توكل ساخن

المكرونه بالبشاميل

[ندعوك للتسجيل في المنتدى أو التعريف بنفسك لمعاينة هذه الصورة]

المقادير
كيس مكرونه اقلام - نصف كيلو لحم معصج مع بصله صغيره وملعقة صلصه - كيلونصف لبن 3ملاعق دقيق
3ملاعق سمن 2بيضه ملح فلفل بهار
الطريقه
تسلق المكرونه فى ماء كثير مع وضع ملح وملعقه زيت مهما كانت المكرونه جيده لازم الزيت علشان متعجنش
بعد ما تستوى تصفى فى المصفى وتغسل بالماء البارد
نعمل البشاميل
نسخن السمن ويوضع فيه الدقيق ويحمر على شرط الا يتغير لونه يوضع اللبن
ويقلب وطبعا نضبط الملح ونقلب الى ان تصبح كريميه الملمس اول ما يبرد نضع
البيض والفلفل ونقلب
ندهن الصنيه بالسمن ونضع طبقه بشاميل ثم طبقه مكرونه ثم العصاج ثم باقى المكرونه ثم البشاميل
نضعها فى فرن متوسط الحراره وتترك الى ان تحمر وتنضج

الأرز الأبيض بالخلطة

[ندعوك للتسجيل في المنتدى أو التعريف بنفسك لمعاينة هذه الصورة]

المقادير :
مقدار من الأرز مغسول ( 1 كوب ) / مرقة (حوالى 2 كوب) / ملعقة سمن أو ما
يعادلهما زيت / ملح / فلفل أسود ناعم/ للخلطة (كبد و قوانص مقطعة / مكسرات
/ زبيب ) يحتفظ بجزء منها للتجميل

الطريقة :
· يقدح السمن و يضاف إليه الأرز و يقلب حتى يسمع له صوت .
· يتبل بالملح و الفلفل و تضاف إليه الخلطة و تقلب مع الأرز بخفة .
· يضاف المرق و يترك حتى يغلى ثم تهدأ الحرارة و يترك الأرز حتى ينضج .
· يغرف فى طبق التقديم و يجمل بباقى الخلطة .
· ممكن يوضع فى قالب كيك مفتوح من الوسط و يقلب و توصع باقى الخلطة فى الوسط و يقدم ....

سليق او الارز بالحليب والمرق

[ندعوك للتسجيل في المنتدى أو التعريف بنفسك لمعاينة هذه الصورة]

/2 كيلو رز مصرى مغسول
4 اكواب مرقه او شوربه لحم او فراخ
مكعب مرقه دجاج
لتر لبن حليب
معلقتين زبده او سمن
فصين قرنقل وحبهان وفصين مستكه عربى

الطريقه:
فى اناء على النار نضع كميه الشوربه ونضيف لها القرنفل والحبهان والملح
والفلفل الاسود ثم نضع الارز على المرقه ونتركه على نار هاديه جدا يتشرب
المرقه ويستوى بعدين نضيف للارز الحليب مع التحريك المستمر حتى يتشرب
الارز الحليب كاملا ويصبح زى الارز باللبن الى بنعمله نتركه على نار خفيفه
فى اناء على النار نضع معلقتين الزبده ثم نضع فيهم شويه المستكه لحد ما تذوب ونشرها على وش الطبق بعد غرفه

ارز باللبن

[ندعوك للتسجيل في المنتدى أو التعريف بنفسك لمعاينة هذه الصورة]تم تصغير هذه الصورة. إضغط هنا لمشاهدة الصورة كاملة. الصورة الأصلية بأبعاد 817 * 301 و حجم 39KB.

This image has been resized. Click this bar to view the full image. The original image is sized 817x301.

/4 كيلو من الارز المصرى <<<<< حوالى كوب ونص ارز
كيلو من اللبن الحليب
3كوب من السكر او حسب رغبتك فى درجه الحلى
3ملاعق كبيره حليب بودر
علبه قشطه بوك او اى نوع جاهزه
معلقه فانليا

الطرييييييييييييييييييييقه:
فى وعاء على النار نضع 5 اكواب من الماء ولما يبدا الماء بالغليان نضيف
اليه الارز المغسول ونتركه على نار خفيفه لحد ما يوصل الارز الى الاستواء
مع الاحتفاظ بكميه من الماء فيه
بعدها نضيف السكر للارز ونتركه حوالى خمس دقائق ثم نضيف بعدها كميه الحليب
ونحرك ونتركه حتى يغلى الارز والحليب ويصبح قوامه غليظ شويه
الحين اصبح الارز جاهز تقريبا اخر مرحله هى انك تذوبى الحليب البودره فى معلقه حليب سائل او ماء ونضيفه الى الارز
ونحرك بعدها نضع على الارز علبه القشطه نحرك ثم نضع الفانلياوخمس دقائق
ننرفعه من النار جربوا طعم الحليب البودره مع القشطه وقولو الى رايكم
ونغرف فى اطباق التقديم

التزين :
على راحتك اما مكسرات او جوز هند او فواكه مجففه او قشطه حليب مع ملعقه عسل نحل او سلطه فواكه على الوجه او الايس كريم
كلهاختيارات

طاجن البامية بالحم الضانى

[ندعوك للتسجيل في المنتدى أو التعريف بنفسك لمعاينة هذه الصورة]

/2 ك بامية رومى اوى بلدى او كيس بامية مجمدة
4 حبات طماطم فى الخلاط
3 ملاعق صغيرة ملح
فلفل اسود
ثوم
بصلة مفرومة
زبدة 3ملعقة كبيرة
لحم ضانى او كندوز
الطريقة
يحمر البصلة فى الزبدة الى ان تصبح بيضاء ثم يضاف اليها اللحم الى ان يتغير لونه ىدون ان يحمر
ثم تضاف الطماطم المصفاة وكل شوية تضعى ماء ساخن الى ان يتم نضج اللحم
بعد ذلك نضع البامية والملح الى ان تنضج ثم نهرس 3 فصوص ثوم ونضع عليهم الفلفل الاسود

ونضعها على البامية وبعد 3 دقائق نغلق النار

على فكرة اللى حاتعمل الطريقة دى حاتدعيلى لانها بتخلى البامية تجنن
وانا كمان مع الطماطم بحط قرن فلفل اخضر حار عشان تكون حامية

أرز بالطماطم

[ندعوك للتسجيل في المنتدى أو التعريف بنفسك لمعاينة هذه الصورة]

المقادير :
1 كوب أرز / 1,5 كوب ماء مغلى / ½ كوب عصير طماطم / 2 ملعقة سمن / ملح /فلفل
الطريقة :
·يقدح السمن و يضاف إليه عصير الطماطم و يقلب على نار هادئة لمدة 5 دقائق
·يضاف مقدار الماء و يتبل بالملح
·يضاف الأرز المغسول و يستكمل مثل الأرز الأبيض العادى ( المفلفل )

__________________

ملف رائع ياشهرزاد تسلمى حبيبتى على مجهودك

شكراا ام عمرو اسعدنى مرورك

[ندعوك للتسجيل في المنتدى أو التعريف بنفسك لمعاينة هذه الصورة]

تسلمى اختى الغاليه

» اكلات بالصور لمنال العالم
» اكلات خفيفه للبنات الكسلانات...
» ملف لمأكولات متنوعه بالصور ...
» مخاوف مصرية من حرمان وائل جمعة من المشاركة في "موقعة" الجزائر
» كب كيك تحفه بالصور