معجنات للمدارس بدل السندوتشات بالصور

[ندعوك للتسجيل في المنتدى أو التعريف بنفسك لمعاينة هذه الصورة]

لمقادير:

1- 3 كوب دقيق

2- 1/3 كوب زيت

3- 1 معلقه كبيره خميره فوريه

4- 1/2 معلقه صغيره بيكنج بودر(اختياري)

5- رشة ملح

6- معلقة سكر

7- كوب زبادي او لبن رايب وممكن استبداله بكوب لبن دافي

بس لو استعملتنا الزبادي ممكن نحتاج شوية ميه صغيره حسب العجينه

الطريقه:

نضع جميع المقادير الجافه على بعض انا باحطها قي
العجان الحقيقه وبعدين نضيف الزيت شويه شويه يعني نفركه مع الدقيق وبعد
كده نعجنه باللبن او الزبادي او حته الميه زي ما تحبو بعد كده نغطي
العجينه ونسيبها تخمر لحد ما تبقى بالشكل ده

[ندعوك للتسجيل في المنتدى أو التعريف بنفسك لمعاينة هذه الصورة]

الحشوة:

انا عملت 3 حشوات الاولى : عباره عن لحمه مفرومه معصجه وضيفت عليها شوية بقدونس مفروم

والثانيه : عجوة مفومه مضاف ليها حتة سمنه او زبده وسمسم وشويه قرفه ناعمه

والثالثه : جبنة بيضا مقطعه عليها فلفل رومي وزيتون اسود ومعلقة زيت زيتون
وممكن نضيف لها زيتون اخضر او نعناع حسب الرغبه ودي صوره للحشوات

[ندعوك للتسجيل في المنتدى أو التعريف بنفسك لمعاينة هذه الصورة]
ببعد
ما العجينه تخمر نبدأ في تشكيلها وحشوها انا فردت العجينه وقطعتها دواير
ودي حشيتها لحمه مفرومه وقفلت كل دايرتين فوق بعض طبعا لوقتهم بالبيض
المخفوق مع معلقة ميه ونقشتهم بمنقاش الكحك بالشكل ده وياسمين بنتي
ساعدتني فيهم

[ندعوك للتسجيل في المنتدى أو التعريف بنفسك لمعاينة هذه الصورة]
اما
اللي بالعجوه ففردتها بشكل مستطيل شويه وفردت فيها العجوه وبعدين لفتها
على شكل اسطوانه وبعدين قفلت الاسطوانه زي الدايره وقطعت حروفها بالسكينه
زي اللي بنشتريها جاهزه وده شكلها

[ندعوك للتسجيل في المنتدى أو التعريف بنفسك لمعاينة هذه الصورة]
ومعاها في نفس الصينيه اللي بالجبنه ودي عملتها
بشكلين شكل الكروسان وده باننا نفردها دايره ونقطع الدايره عل شكلل مثلثات
وبعدين نحط الحشوه في قاعدة المثلث ونلفه والشكل التاني عامل زي الدوده
شويه بنعملها بالشكل ده

[ندعوك للتسجيل في المنتدى أو التعريف بنفسك لمعاينة هذه الصورة]
وده الشكلين بالجبنه

دلوقتي خلصنا ندهن وش الفطاير بالبيض ونرشها سمسم او حبة البركه وندخلها
الفرن وبالهنا والشفا مستنيه ردودكم واكيد التقييم وده شكلها النهائي

[ندعوك للتسجيل في المنتدى أو التعريف بنفسك لمعاينة هذه الصورة]
ودي صورة تانيه بسم الله

[ندعوك للتسجيل في المنتدى أو التعريف بنفسك لمعاينة هذه الصورة]

ماشاء الله شكلها رائع بجد تسلم أيدك ياام انس

تسلمي ياام عمرو بس خلي بالك المعجنات دي اكتر حاجة تتخن [ندعوك للتسجيل في المنتدى أو التعريف بنفسك لمعاينة هذه الصورة]

فعلا شكلها جميلة جدا تسلم الايادى

يسلم مرورك ياام منة

ماخلاص بقي ياام نس بقينا بناكل كل شىء

وداع للجسم المثالى هههههههههههههههه

راائع بجد ما شاء الله مجهود رائع تسلم الأيادى

جزاكى الله خيرا على الطريقه والشرح الرائع

[ندعوك للتسجيل في المنتدى أو التعريف بنفسك لمعاينة هذه الصورة]

» كب كيك تحفه بالصور
» حلويات بالصور!!
» طريقة عمل الحواوشى بالصور
» اكلات مصرية* 100%* بالصور
» كيف تصممين مطبخك بالصور