زوجي الحبيب انا عاوزة ادخل الجنة حملة لنشر الحب والسعادة في بيوت المسلمين

بجد رائع رائع

ربنا يرزقنا الزوج الصالح ويكون سبب فى دخولنا الجنه

الى الامام دايما منتظره باقي النصائح جزاكى الله خيرا وجعلها فى ميزان حسناتك

تسلمو على المتابعه وهاكمل ان شاء الله وكله يهون عشان الجنه

حبيباتي في الله كيف حالكم يا رب تكونوا كل لحظة في سعادة وعبادة

لو سمحتوا لي قبل ما اكمل بقية الافكار اني احكي لكم قصة حقيقية حصلت عندنا في العيلة وانا شوفتها بعيني

وده من باب رد الفضل لصاحبته وكمان لانها اكيد هاتأثر فيكم زي ما اثرت في كل الستات عندنا في العيلة


شوفوا يا بنات انا معظم الافكار الي بكلمكم عنها دي من الست الي حكي حكايتها دي هي بتعملها كلها واكتر وكمان من كتب وشرايط بتتكلم عن السعادة الزوجية وقبل كل ده من هدي ديننا العظيم هي مش مني انا زي كتير من الستات كنت مقصرة وبحاول معاكم اكون زوجة صالحة باذن الله

معلش ع التطويل لكن بس للتوضيح وعشان ما تظنو بي خير لا استحقه

القصة ان كان عندنا في العيلة قريبنا ظابط شرطة مشهوراوي بقسوته وعنفه وخاصة على المرأة وده طبعا من كتر ما شاف قضايا وبلاوي كانت وراها ستات
وكان بيقول لما اتجوز لو ماريحتنيش هاطلقها الصبح والاصعب بقى انه كان بيقول لو ربنا رزقه ببنت انها هايؤدها تخيلو يمكن كان بيبالغ بس ده من كتر كرهه للبنات
وقدرا تزوج وقال اخدها من بيت متدين على الاقل يكون عندها شوية دين تستحمل
المهم مافيش يا بنات كام شهر كدة من الجواز ولاقينا اخينا ده اتغير بدرجة 180
حنية وطيبة مع الكل وصلة رحم وشويتين وربنا رزقه ببنت لا تتخيلوا حبه لها وتعلقه بيها باختصار اكن ما حدش خلف في الدنيا غيره ولما حد يفكره بالكلام الي كان بيقوله زمان عن البنات يستغفر ربنا كتير ويقول انه كان جهل منه ولانه ما كانش متخيل ان في ستات ممكن يغيروا الكون كله ويخلوه يبقى سعادة وسكينة
وطبعا لاقيناه التزم ماشاء الله الصلاة وراح حج هو وزوجته وكل سنة عمرة
وترقى في شغله في منصب مهم هو اصغر واحد سنا فيه لتفوقه ووضعهم المادي ماشاء الله تحسن جدا وبعد ما كان الكل بيتجنبه ويحدد علاقته معاه بقى على علاقة ممتازة مع كل العيلة ويكون يوم سعيد لما ييجي يزور حد هو واسترته السعيدة الجميلة
طبعا يا بنات الفضل في كل التغيير ده لله سبحانه وتعالى أولا واخيرا ثم لزوجة صالحة اتربت صح ابوها من شيوخ الازهر وعلمها كويس ايه دور الست وانه اعظم بكتييييييييييييييير من دور الراجل وما شاء الله كل الخير الي هم في والي بيزيد بفضل الله ثم بركة هذه الزوجة الصالحة

انا طبعا استأذنتها اني استفيد من افكارها وانقلها لكم وانقل قصتها لعلها تفيدنا وهي فرحت اوي وقالت لي ان لو واحدة بس استفادت منها ده هايكون عندها بالدنيا كلها

ها ياحبايبي عرفتوا احنا مهمين اد ايه وصلاحنا لازواجنا وبيتنا ممكن يغير اد ايه

معلش اني طولت عليكم

حبيباتي دي فرصة من ربنا لينا لمزييييييييد من العطاااااااااااء يالا عاوزين مشاركتكم الجميلة الي تعطر حملتنا

طبعا مش هامشي كدة خدو النصيحتين دول ع الماشي و انصح نفسي اولا

حبيباتي صلي ما بينك وبين الله يصل بينك وبين ما تحبين تأليف القلوب من الله سبحانه وتعالى فالقلوب كلها بين اصبعين من اصبع الرحمن وكل افكارنا دي مجرد اسباب بناخد بيها لكن لازم تتضرعي لربك بالاعمال الصالحة ليصلح لك كل شي


النصيحة التانية اجعلي زوجك يحبك
اذا احبك كنتي عنده ملكة جمال الكون ولو كنت عادية في نظر الجميع ولو حبك صرتي له كل نساء العالمين وتجديه يسعى لتحقيق لا اقول طلباتك ولكن احلامك وعيناه تفيض بالحب والرغبة العارمة في اسعادك


اختي لو ربي ابتلاكي بزوج مثل الصبار كله شوووووووووووووووك معلش ما تزعليش ده عشان يضاعف حسناتك ويعلي درجاتك في الجنة حبيبتي داخل الصبار في ماء ( سائل في غاية اللزوجة واللين ) حبيبتي لو جربتي تشيلي الشوك من الصبار مرة واحدة وبسرعة ما تجني الا الالم

لكن بالحنية والصبر كل شي يتغير باذن ربي حتى لو طال وقت نزع الشوك وراح ييجي وقت تلاقيه هو نفسه حبيبك بيشيل معاكي الشوك وهو مبسوط لاسعادك

يالا انتظرو الجاي عشان ان شاء الله مهم اووووي

عشان الجنة كله يهون

موضوع رائع بجد جزاكى الله خيرا ومتابعه معاكى ان شاء الله وعشان الجنه كله يهووون

ما تيجوا نبدأ احنا بالعطاااء الحياة يا حبيباتي ليست اخد فقط العطاء سر السعادة

وهل جزاء الاحسان الا الاحسان لكن انتي تعطي وتذكري دائما انتي تعطي لله اولا بغاية الاخلاص وهو سبحانه هايسهل عليكي العطاء بعد كدة بالعكس هايخليكي تعملي كل الحاجات دي وانتي في قمة المتعة وكماااااااااااان يديكي ثواااااااااااب كتييييييييييرعليها شوفتي رحمة اكتر من كدة ؟؟؟؟؟؟؟؟؟؟؟

وانتي يا اختي لما تعطي لزوجك وتقدمي له ما يرضي ربك فسوف تجدي من هذا الزوج فارس الاحلام الي ياما حلمتي بيه وهو هايمد لك ايده وياخدك لعالم لا مثيل له ملئ بالحب والود والتفاهم وهذا ليس كلام نظري لان حبيبك محمد صلى الله عليه وسلم قال ( البر لا يبلى والديان لا يموت افعل ما شئت كما تدين تدان )

الخطوات العملية حبيبتي اقري الحاجات دي بقلبك مش بعقلك معلش القلب احيانا بيكون اصدق من العقل حبيبتي زي ما اتفقنا الرجل يملك قلب طفل مدلل يملك كتلة من المشاعر والاحاسيس والمرأة الذكية بس هي الي تعرف تشبع هذه الطبيعة فتغرق في جنون عشق زوجها وحبه



*
خدي جوزك في حضنك كتير بحب ولهفة حضنك لابنك الرضيع واغمريه بكل انواع الحنان فهو طفلك الذي لا يكبر
*
دايما وانتي بتكلميه امسكي ايده واضغطي عليها بحنية ودفء داعبي شعره مرري عليه اناملك الناعمة كما تمرريها على خد طفل رضيع انظري في عيونه كتير وخليه دايما يشوف فيها بريق الحب
*
اختاري له اسم دلع جميل ومحبب له وخليه دايما يسمعه منك هايشتاق له دايما لان ما فيش غيرك بتقولي له بالاسم ده
*
ما اشد احتياجه لك لحظة الدمع والهموم وما اكترها يا اختي في زماننا هذا كوني اول واحدة جنبه وهو مهموم وحزين وحسسيه بالطمأنينة وافتحي امامه ابواب الامل والتفاؤل
*
استقبليه بإبتسامة ولهفة وودعيه بأبتسامة حلوة وحنونة دي صدقة يا اختي هاتخلي يومه كله مشرق وتعطيه شحنة من القوة طول اليوم
*
وقت السمر بينكم أجلي المشاكل ما تتكلموش فيها خلوها لوقتها خلي قربكم حب عشان تكون كل لحظة بينكم ليها ذكرى جميلة
*
المرأة التي تأسر الرجل هي الي تريحه لا تحمليه يا اختي فوق طاقته فهو يحتاج من تنسيه مشاكله وهمومه وتقف جنبه اكنها قطعة من جسده
*
اذا غلط في حقك ومين مننا يا اختي لايغلط اصمتي واذهبي لكن ارمي نظرة حنونة عاتبة ولما تمر العاصفة ويجيلك بكل نعومة وانوثة وشوية دموع حسسيه بغلطه في حقك هيقولك اسف ولو ماقالش هايفكر الف مرة قبل ما يزعلك تاني
*
خليه ينام كل يوم في حضنك واياكي ان تفترقي عنه في نومه لان ده هو الطلاق النفسي الي يباعد بينكم واصحي معاه - يمكن صعبة بس نحاول - وكوني مجهزة كل التفاصيل الصغيرة من لبس وفطااار ووو
*
الرجل يا اختي لا يحب الاوامر لكن خليكي ذكية اوحي له بما تريدي من تحت لتحت بالتخطيط والتوجيه ويقوم الغلبااااااااان يا عيني ينفذ وهو معتقد انه صاحب القرار واوعي بقى تكشفي سرك افرحي طبعا بقراره وبيني موافقتك عليه عشان خاطر عيونه لكن طبعا يا قمر دي ما تستخدميهاش الا في الخير تمام ؟؟؟؟؟؟؟؟؟؟؟؟؟؟
*
ألعبي معاه نعم ؟؟؟؟؟؟؟ اه والله اعظم انسان في الوجود كان بيلعب مع حبيبته مش فاكرة حبيبك صلي الله عليه وسلم لما كان بيسابق السيدة عائشة رضي الله عنها


وافتكري دايما يا عمري ان الحنان يلين الصخر وفي كل لحظة اخلصي نيتك لربك يسعدك ويهون عليكي جهاااااااااااادك ويعطيكي ما لا عين رأت ولا اذن سمعت ولا خطر على قلب بشر
بحبكم

وعشان الجنة كله يهوووووووووووووووون

فاكرين قصة السحر الاسود الي حكيتها لكم نقلا عن عبد الوهاب مطاوع
طبعا فكرتوا فيها واكيد عرفتو ان الموضوع مش سحر اسود ولا حاجة الموضوع ان الست لو ما فهمتش الراجل كويس بتخليه صيد سهل جدا لاي واحدة تانية تعرف تعطيه ما يحتاجه طب لييييييييييييييييه ؟؟؟؟؟؟؟؟؟؟؟؟

انت كمان اعملي سحر بس سحر حلااااااااااال
حبيباتي هو الراجل عااااااااااااااااااااااااوز ايه ؟؟؟؟؟؟؟؟؟؟؟؟؟

الست الشاطرة لازم تفهم طبيعة الراجل كويس عشان تعرف تتعامل معاها الراجل بتحكمه صفتين عكس بعض وهم الرجولة والطفولة يعني لازم تعرفي تشبعي احتياجه كرجل وكمان تشبعي احتياجه كطفل

كيف اتعامل مع الرجل الي اسمه جوزي ؟؟؟؟؟؟؟؟؟؟؟؟

* كوني اسيرة (ضعيفة)- على فكرة الرسول صلى الله عليه وسلم ودي معجزة - عند موته وصى الرجال على المرأة ووصفها بالعوان وهي الاسيرة واثبتت كل التجارب ان مقاومة الراجل تنهار تماما امام المرأة الضعيفة وخاصة دموعها لانه تشعره برجولته اكتر وبالتالي يزيد الرغبه عنده في الانجذاب لها

* اظهري احتياجك له و-بشكل فطري ربنا خلقه عليه هيتفاني في مزيد من العطاء لكي وسبحان الله مش القوامة بالانفاق كلما انفق عليكي كلما كنتي في احتياج اوعي تستغني عنه على الاقل اشعريه انك محتاجة له

* اظهرى غيرتك عليه لكن طبعا في حدود عشان يحس بكيانه وترضي غروره

* شجعيه دايما واظهري تقديرك له ولتعبه هايكون حافز له انه يقدم اكتر لان هايرتبط عنده العطاء بسعادة وهي كلمة حلوة يسمعها منك

* كلمة شكرا سهلة لكن تملك قلب جوزك خليها ملازمة في كل عمل يعمله لك حتى لو بسيط وما يستدعيش

* اشعريه انه بطل انه فارس احلامك انه الرجل الوحيد في الكون واوعي تخافي انه يتغر لا بالعكس هيقلدك وهايخليكي انت كمان عنده نفس الشئ

* لا تخلعي برقع الحياء عن زوجك فالحياء كله خير كما قال حبيبك صلى الله عليه وسلم اجعلي الحياء يصبغ خديك بالحمرة وانظري لزوجك كغريب احيانا

* ادفعي زوجك للخير دائما واشعلي فيه الرغبة الفطرية للخير حثيه ع الصدقة وصلة الرحم وخليه يتقدم في عمله وساعديه يكون محبوب من الجميع

* كوني انيسة وحدته والصدر الحنون الذي يضم ويحنو عند اشتداد الهموم فاكرة السيدة امنا الحبيبة السيدة خديجة رضي الله عنها كنت بتعمل ايه مع حبيبنا صلى الله عليه وسلم

* اعرفي نقاط ضعفه واشبعيها واياكي ان تطعنيه فيها لحظة غضبك اياكي ومعايرته عند الغضب اياك للاسف كتير من النساء تفعل

* اتركي له مساحة من الحرية اياكي تحاصريه حتى ولو بحبك تدللي وكوني عزيزة احرميه منك من فترة للتانية لتجديد الوله والاشواق

في تاني كتيييييييييييييييييييير ان شاء الله بس احنا محتاجين نقعد كدة نفكر في دول كويس ولازم لازم ان شاء الله ننفذ ليه طيب ؟؟؟؟؟؟؟؟؟؟؟؟

عشان الجنة كله يهون

جزاكى الله خيرا ومتابعه معاكى ان شاء الله

ماشاء الله أفكار رائعه وموضوع روعه جزاكى الله خيرا على النقل

اكملى متابعه معاكى ان شاء الله

جملة رائعه اللهم انفعنا بها

مشكورة اختى متابعه ان شاء الله

موضوع رائع
وان شاء الله هتابع معاكم
وان شاءالله ربنا يكرمنا ونلتقى فى الجنه
زاى ملتقينا فى الدنبا على طاعه وحب فى الله

اللهم آمين يارب ياشهرزاد

جزاكى الله خيرا حبيبتى على الرد والمتابعه

نصائح هايله ياام عمرو مشكوره اختى على مواضيعك المميزه

جزاكم الله خيرا على النصائح الغالية

شكرا لكم على الموضوع الروعه والنصائح الجامده تسلمو

موضوع رائع شكرا لمجهودكم

يااااااااااااااااااااااه كل دا تعبت اوى

مش تقولوا طيب من البدايه

موضوع اكثر من رائع

بارك الله لكم وفيكم

تسلمى يامونى لمرورك ومتابعتك وان شاء الله لسه للموضوع بقيه