تعااااااااااااالوا ندردش

ياعينى صعب قوى بعد كل الكتابه دى تضيع

انا لما بكون بكتب حاجه وتعبت فيها قبل مابعت ارسال باخدها كوبي عشان لو صفحة النت محملتش

ربنا معاكى

انا فعلا كنت نمت ساعتين من شويه مع عمرو وأول ماصحيت قلت أدخل اصححلك بقي عشان منسبش التسميع كده لو فيه غلطه

ايه ياجماعه انتو فين معتوش بدردشو ليه

خلاص انشغلتو ولا اتكبرتو علينا ههههههههه

ايه ياقمر أنتى اللى فين وحشتينى والله

أحنا اللى أتشغلنا برضو طيب فضيلنا نفسك شوية ياعم المهم نطمن عليكى

انا موجوده والله وبدخل على طول وانتو كمان وحشتونى

أزيك وازى منه الله

بوسيهالى وقوليلها سيرين بتسلم عليكى وعيزاكى تيجيى تلعبي معاها

احنا تمام الحمد لله ومنة كمان بتبوسك

واحنا أن شاء الله هنيجى القاهرة قريب وهنبقى نعدى عليكم علشان منة تلعب مع سيرين طلباتكم أوامر أنتو تؤمروا

هههههههه ورحتى ياام منه

انتى فين يابنتى معدتش بتقابل فيكى خالص

أنا بقيت بنام المغرب وبصحى الساعه 2 بالليل انتى مواعيدك بقت ايه

هههههههههههههه أنا ماليش مواعيد أنا لاأنام

بس تقريبا منة بتنام فى التوقيت ده وأنا هحاول أظبط معاها أنا كمان

المفروض تنامى فى الوقت الى هى بتنام فيه انا مابصدق عمرو ينام ولو نص ساعه بدخل جرى وراه والله ذل الى بيحصلنا ده بسببهم وأياك بيطمر هههههههه

انتى لسه مسعتتيش برضو زي حالاتى انا مش عارفه أركز عشان احفظ شويه كده وهاقوم أحفظ بقي

أيوة انا برضو رايحة أصلى وناوية أحفظ زعلانة قوى من قلة الحفظ

بس اليومين اللى فاتوا ماكنش فى تركيز خالص

بقولك صحيح انا معتش هاعرف احفظ سورة يس مع السورة البقرة لانى مش هاعرف اركز خالص مع الاتنين وحفظى سورة يس ممكن يلغبطنى وياثر عليا فى حفظ البقره
عشان كده قررت هابطل يس لحد ماحفظ واركز فى البقره عشان مضحكش على نفسي

انا لسه بعتالك رسالة بسألك فى الموضوع ده

عموما أنتى أكتر حد أدرى بنفسك شوفى أيه اللى يناسبك علشان تقدرى تركزى

خلاص ماشي

ركزى انتى بقي البركه فيكى

وانا برضو هاصححلك عادى خلينا ماشين زى ماكنا

خلاص ماشى وان شاء الله هحاول اخلص يس علشان برضو أركز فى البقرة

ولما أخلص أبقى أدينى الوسام ده ههههههههههههههه

لا ياستى هديكى وسام احلى من ده كتير بس خلصي أنتى

انا عايز وسام ياأم عمرو ماليش دعوه

هههههههه مش لما تبقي تحفظى الاول انتى الى كسوله

مالك ياأم منه انتى تعبانه ولا أيه قلقتينى

لا الحمد لله أنا كويسة مش تعبانة ولا حاجة ياأم عمرو

بس اليومين اللى فاتوا كان فى كذا حاجة كده وخروجات وسفر

وقلت فرصة أريح من الكمبيوتر علشان بقى بيتعبنى وبوظ بشرتى

هو الكمبيوتر بيبوظ البشره كمان معلومه غريبه

المهم ألف سلامه انا كمان بقيت بقلل دخولى

ههههههههههههههه لا مش غريبة ولاحاجة بتحصل

الله يسلمك وبقيتى بتدخلى قليل ليه ايه اللى شغلك عن المنتدى لعله خير

تعب والله هابقي اقولك بعدين

بخصوص ايات الحفظ انا فعلا خدت بالى انى بحسب غلط بس هحاول اخد بالى بقي معلش

ألف سلامة عليكى ابقى طمنينى

مانتى ياستى المشغوله عننا معتيش بتفتحى ايميلك اعملك ايه

معلش بقى اليومين اللى فاتوا كان فى حاجات كتير كده جات ورا بعضها