مكرونه النجرسكو ..

المقادير:

نصف كيلو صدور رجاج مسلوقة ومقطعة مكعبات وعليها ملح وفلفل اسود

كيس مكرونة فرن - جبنة مبشورة - 3 معالق دقيق - 3 معالق سمن - كوب لبن - مكعب مرقة - ملح وفلفل اسود

الطريقة:

يتم سلق المكرونة في ماء مغلي وبعد النضج تصفي بالمصفاه وتترك جانبا

هنعمل البشاميل:هنجيب طاسة ونحطها علي النار ونحط فيها 3 معالق سمنة و3 معالق دقيق ومكعب المرقة ونقلب بالمضرب

لما لونهم يبقي دهبي نضيف لهم كوب اللبن ونهدي النار ونضرب بسرعة عشان الدقيق ميكلكعش

هنجيب المكرونة ونحط عليها شوية من البشاميل ونقلبها كويس

نجيب صينية او طاجن وندهنه سمنة

وكده يبقي قدامك طريقتين:

-اما هتفرشي نص المكرونة في الصينية وبعدين تحطي عليها صدور الفراخ بعد ما سلقتيها و قطعتيها مكعبات وحطيتي لها الملح و

الفلفلوبعدين تحطي النص التاني فوقيها وتحطي عليه البشاميل

-او تعملي زي المطاعم وتخلطي الفراخ مع المكرونة وبعدين تحطي البشاميل فوقهم وتدخليها الفرن و بعد ما تحمر

ويبقي لونها دهبي تخرجيها من الفرن وترشي علي الوش جبنة مبشورة وتحطيها في الفرن 5 دقايق لحد ما الجبنة تسيح

جربوها وقولولى النتيجه بس اكيد هتعجبكم

تصدقى والله ياأم عمرو

انا من زمان نفسي اعرف ايه النجرسيكو ده

وكنت نفسي اجربها

بجد انتى هايله وجزاكى الله خيرا

واكيد هاجربها وهاتطلع حلوه وهادعيلك

انا بحب المكرونه دى قوى

بتبقي لذيذه جدا

جربي كمان اعمليها بالمكرونه الاسباجتى هاتكون هايله وشكلها حلو

بالهنا والشفا ياقمر .. وشكرا على الوصفه

انا كمان بحب المكرونه بكل طرقها

والطريقه دى شكلها حلو ولذيذ

ان شاء الله اجربها واقولكم النتيجه

تسلم ايدك ياأم عمرو

دى زى المكرونه البشاميل بس بدل اللحمه المفرومه فراخ بس الفراخ بأه تبقى من غير عصاج ولا حاجه لو عملنا تعديل وعملناها بعصاج هاتبقى لذيذه كمان السلام عليكم

نجربها بأذن الله

عندكم وصفات كتيره قوى هنجربها كلها امتى بس

ربنا يعيننا .. مشكورين

ايوه ياام عائشه هى زى المكرونه بالبشاميل

بس تخلى الباشميل سايب شويه عشان المكرونه بتبقي سايبه

مش بالباشميل

انا جربتها وطعلت حلوه قوى وطعمها جميل

بس فكره الفارخ انها تبقي قطع ومن غير عصاج كان عطيها طعم جديد وحلو

تسلمو على مروركم

وان شاء الله ياختى الساجده تعجبك وصفاتنا

حلوة قوى ياأم عمرو تسلم ايدك وفكرة شوشو برضو حلوة
تسلمواياقمرات

انا عملتها بنوعين المكرونه الاسباجتى والقلم وطلعت روعه فعلا

تسلمى ام منه على مرورك

جميييييييييله
قرات عنها بس مش جربتها
وجارتي بتعملها بانها بتعمل الفراخ كانها عصاج وبتزود كاري عليها
وبتقول بتبقي جميله
انا بقي هجرب الطريقتين بس ادعولي اروح شقتي بالسلامة

جربيها يهبه هاتعجبك خالص

انا مكنتش اعرفها برضو وقلت اجربها وعجبتنا خالص

وبقيت بعملها على طول

تسلم أيدك ياام عمرو انا كمان بحبها جدا وبعملها على طول

تسلمى ياقمر على مرورك وردك الجميل

شكلها هتبقى حلوه والله اعلم

بس هبقى اجربها انا اصلا بموت فى المكرونه بجميع انواعها

تسلم ايدك ياقمر

جربيها هى حلوه بجد وعجبتنا جدا واكيد هاتعجبك عشان بتحبي المكرونه زى حالاتى

مشكوره على مرورك