هتطبخي أيه انهارده ..؟؟

أنا كنت عاملة بيتزا وشاورما

وااو يبتاع البيتزا ياجامد طب ابعتيلى قطعه طيب

انا انهارده عملت مكرونه اسباجتى وفراخ فى الصينيه

ياسلام ياشوشو أنتى تؤمرى ياقمر

وبالهنا والشفا المكرونة والفراخ

انهارده عملت محشي وصورته اصلى لاقتنى فاضيه بصراحه

ولما الاقى نفسي فاضيه تانى هانزلكم الصور هههههههههه

طيب ياام عمرو ابعتلنا الصور بقي وفرجينا حلاوة طبيخك


انا هاعمل انهارده ان شاء الله جلاش باللحمه المفرومه وفراخ مشويه اتفضلو معانا

انا هطبخ بكره ان شاء الله

محشى ورق عنب وبط وفراخ فى الفرن

وااااااااااااااو

ليه كل ده ان شاء الله عندك عزومه ولا ايه ؟؟؟ ومين وليه ؟

اه كنت عازمه حماتى وسلفتى

والحمد لله اكلنا والاكل كان حلو

أشمعن يعنى عزماهم ليه وكان فى شقتك ولا طبختى ونزلتى الأكل

أنتى أول مره ياكلو من أيدك صح ؟

انا هاعمل ان شاء الله كبسه باللحمه بعملها كتير انا ههههههههههههه

اصلنا بنحبها وكمان سريعه وحلوه

انا محتاره اطبخ ايه بكره

عايزه أعمل بوفتيك ممكن اعمل معاه ايه ؟؟ محدش عنده طريقه جديده لأى حاجه

الموضوع ده معتش حد بيدخل ليه

معتوش بتطبخو

أنا كنت عاملة مكرونة وبيض وبطاطس

أحسن حاجه والله انا بفكر برضو اعمل بكره كشري أصفر الى هو بالعدس مش الكشري المصري واعمل بطاطس وبيض وكده
اتخنقت بصراحه من الفراخ بكل طرقها وجوزى مش فاضي يروح يجيب لحمه لأن المجزره بعيده شويه

حلو برضو الكشرى أنا كنت نازلة عليهم بشوربة العدس اليومين اللى فاتوا مصدقت الجو برد

تصدقى فكرتينى بيه دااحنا بنموت فيه بس بنسي أعمله خلاص الاسبوع الجاى بقي ههههههههههه

عملت النهاردة عجة ماكنتش باكلها قبل الجواز وعملتها من يوم ماتجوزت مرة واحدة بس ودى التانية

بس كانت جميلة قوى ماتتفضلوش بقى علشان خلصت

انتى لسه فاكره الموضوع ده ههههههههههههه

بس ايه العجه عباره عن ايه ؟ انا بسمع عنها بس عمرى ماشوفتها ولا اعرف هى ايه

هههههههههههههههههه أنا كل مرة أبقى فاكرة اكتب طبخت ايه وارجع انسى

ايه ده معقولة مش عارفاها انا برضو كل مرة اسأل مامتى على الطريقة بصى ياستى هى عبارة عن بيض وبطاطس وصلصة طماطم

متسبكة قوى وشبت وبقدونس ودقيق وممكن بودر وممكن لا وطبعا ملح وفلفل واى بهارات تحبيها وبيتقلبوا كويس

ويدخلوا الفرن وتسويها زى الكيكة كده وممكن تتعمل باللحمة المفرومة على فكرة

دى العجة بس حمرا شوفت انا بقى على النت عجة بيضة من غير طماطم كنت عاوزة اجربها بس قلت اكيد الحمرا أطعم

انا كنت بسمع عنها زمان بس مش عارفه مش حاسه انها هاتبقي لذيذه انا متعقده من شكلها من ايام مسلسل ونيس

وطبختى ايه انهاترده بقي ماحنا مورناش شغله غير الطبيخ ههههههههههههه

ايه رأيك فى الترقيه الجديده ولا مخدتيش بالك

لا بجد طلعت لذيذة جدا انا برضو كنت فاكرة انى مش هحبها علشان فيها خلطبيطة كتير كده

والنهاردة عملت مكرونة حمرا وبيض وبطاطس قولى بقى انتى طبختى ايه مافيش غيرى

مش عارفة بقى بكرة نجيب سمك ولا اطبخ

ترقية ! ترقية ايه هههههههههههههههههههههه لا طبعا خدت بالى أصل ساعات كده ببقى نبيهه

أول مادخلت لقيت لون اسمى بقى ازرق قلت ايه ده ببص كده لقيتنى بقيت نائبة بس مكنتيش موجودة بقى علشان اعرف الحكاية ايه

حكاية ايه مافيش حكايات هههههههه عادى انا قلت اريقي بقي عشان مجهوداتك والكلام ده

انا عملت ياستى تورلى ولحمه ورز مكلناش بقالنا شهر رز ولا طبيخ خالص دى أول مره

بكره هاعمل صينية بطاطس باللحمه

مااااااشى ياعم مع انى نايمة الفترة دى مافيش مجهودات بس طبعا ثانكيو

بالهنا والشفا داناا عملت المكرونة المرة دى حمرا جوزى بيقولى افتكرتك هتعمليها بالبيض

ماكنتش فاكرة انها عجبته قوى كده خلاص بقت معتمدة

ههههههههههههه كويس انها عجبته شوفتى وصفاتى كلها مميزه ازاى
منا الى قيلاها لسمسمه

جربي اعمليله بطاطس مهروسه باللحمه المفرومه بتبقي روعه برضو جميله قوى

قصدك صينية يعنى ولا كبيبة