مسقعة بالجمبري والكالماري

حلوة فكرة المسقعة بالجمبرى والكالمارى

تسلمى ياأم عمرو على الوصفات الجميلة

حلوه الطريقه دى

بس بقولك ايه معندكيش طريقه حلوه موثوق فيها لشوربه السى فود

او انتى ياام منه عوزاه ضرورى لو تعرفوا طريقه حلوه

ومشكوره ياام عمرو على الموضوع الرائع

حاضر يامونى هاشوفلك وأرد عليكى

دى طريقة زى المطاعم بالظبط يامونى أتفضلى ياقمر وممكن طبعا تزودى أو تشيلى فى المكونات


1\2 كيلو جمبرى مقشر ونظيف
1\2 كيلو كاليمارى مقطع قطع
1\2 كيلو سمك فليه مقطع
كيلو كابوريا أو عدد 6 وحدات نظيفه ومنزوعه الغطاء
1\2 كيلو جندوفلي منقوع في شويه مايه علشان ننزل الرمله منه
بصله كبيره _ كرفس _ مستكه _ حبهان أو هيل_
كوب حليب كبيره _1\2 كوب كريمه لباني
100 جرام زبده_ ملح _ فلفل_ 4أو5 كوب ماء كبيره .
الطريقه
نحضر (حله)ونضع فيها الماء علي النار وعند بدايه الغليان
نضع البصله والحبهان وممكن ورق اللورا والمستكه وعند الغليان نهدى النار ونضع الحليب وعندما يغلي نضع السي فود بالترتيب التالي الكاليمارى وبعد شويه تقريبا دقيقتين نضع الكابوريا وبعد دقيقتين نضع الجمبرى والجندوفلي وأخر حاجه السمك لآنه مابيستحملش ونضع الملح والفلفل حسب رغبتك ونتركها 5 دقائق تغلي وقبل مانطفى عليها النار نضع الكريمه اللباني ثم الكرفس وأخيرا الزبده واطفي النار وبكده تكون شوربتك جاهزه وعند التقديم نضع شويه كرفس علي وجه الطبق
وبالهناء والعافيه ..

اشكرك كتير علي الاكلة وكتير حلوة

تسلمى يانيلى على ردك

طريقه حلوه ياأم منة بس انا للأسف يع مش بحب الكابوريا

دي طريقه يامونى برضو شوفتها وسهله خالص


نشوح بصل مفروم و ثوم على نار متوسطه لغايه مل لونها يبقى شفاف

نضيف بهارات" ملح فلفل.كمون.كسبرة جافه.جنزبيل اختيارى"

نضيف ثمار البحر المغسوله جيدا و مصفاه من الماء الزائد

نقلبها شويه بعدين نهدى عليها النار و نغطيها لمده خمس دقائق

ثم نضيف ماء كميه معقوله و تترك حتى تغلى ثم نهدى النار ثانيه لمده دقيقتين و نضيف كريمه

او قليل من اللبن و تغلى غلوة واحده بس عشان اللبن لا ينفصل

و نرش على الوجه بقدونس و تقدم

و بالهنا و الشفا

https://atfaluna.ahlamontada.com/montada-f40/topic-t2049.htm#15564

هنا كمان طريقه

مشكورين كتير

جزاك الله خيرا ياام منه وجزاكى ياام عمرو

معلش تعبتكم معايا

أى خدمة يامونى أنتى بس أطلبى ولا يهمك

هذا هو العك بعينه
باذنجان بالجمبرى
والله اشك ان الجمبرى يزعل ويجرى
ايه ياام عمرو
ناقص محشى بالجمبرى
ولا كيك سويسرى بالجمبرى الفلندى
اسامة السيد شيف بيقلد الغرب

تسلمى أم عمرو على الوصفه الشهيه

ممدوح السروى كتب:

هذا هو العك بعينه
باذنجان بالجمبرى
والله اشك ان الجمبرى يزعل ويجرى
ايه ياام عمرو
ناقص محشى بالجمبرى
ولا كيك سويسرى بالجمبرى الفلندى
اسامة السيد شيف بيقلد الغرب

يبدو أنك مقرتش الطريقه وحكمت على الموضوع من عنوانه فقط
لأنك لو كنت قريت الطريقه كنت عرفت أد ايه هى حلوه مش زى مانت متخيل
كمان انت مجربتش طعمها عشان تحكم عليها
ومع ذلك فحضرتك نورتنى وشرفتنى بمرورك مشكور

تسلمى ام مالك اسعدنى وجودك ياقمر