البطاقة الشخصية لأعضاء منتدى أطفالنا

اللهم امين ربنا يجعلهملك ذريه صالحه باذن الله

ومنتظرينك ياقمر

الإسم المستعار : الرعد

الاسم الحقيقي ..احمد

العمـر :18

المهنه :طالب بكلية الاداب

الهواية : جاست انتر نت

حكمتك المفضلة : اذا اردت شيئا بقوه فأطق سراحه فان عاد اليك فهو ملك لك ... وان لم يعد فهو ليس لك من البدايه

أكلتك المفضلة : صينية الفراخ والبطاطس ف الفوورن وااااااو

مشروبك المفضل : بيبسى ماااااكس

أجمل أيام الأسبوع : الخميس شوووووور

أمنيه تمنيتها وتحققت : انى الاقى الشخص اللى بدور عليه بنفس الصفات اللى ف دماغى

أمنيه تمنيتها ولم تتحقق : انى ادخل الكليه بعربيه

خبر فرحت بسماعه : مفرحتش كتير الايام دى
خبر حزنت لسماعه : وفاة شخصين عزاز عليا طارق صديقى ... وشخص اخر مات منذ فتره

أجمل هديه حصلت عليها : جنيه عليه امضاء من مدرس ههههههههههه محصلتش على هدايه الصراحه كتيره

ماذا تحب بالدنيا : الدنيا ملهاش اى طعم .. ملل ف ملل

ماذا يحزنك : ان يساء الظن بى .... الغباااااااااااااء

- ما أجمل اسم من الاناث : بحب جدا اسم جنا .. وبيرى

ما أجمل اسم من الذكور : اكيد احمد عشان اسمى

لونك المفضل : الاخضر

أجمل شهور السنة : 9 شهر العظماء لانى ولدت فيه ههههههههههه

أجمل فصول السنة : الصيف

ما أجمل مراحل عمرك؟ : المرحله الثانويه

أين نجد أسرارك؟ : عند اى شخص اقترب منه ... وده غلط

لمن تشكي همومك؟ : الله ثم لنفسى

كلمة أخيره : الاسأله دى كتيره اوى كده ليه ؟؟

نصيحة : لما الاقى حد ينصحنى الاول ... بس بلاااااااااااااااااش تثق ف حد بسرعه

كيف تعرفت على منتدى أطفالنا؟ من اختى ولان ام عمرو بنت خالتى

ما رأيك بمنتدى أطفالنا؟
رائع والله واجمل شئ فيه ان كل اللى فيه ملتزمين ماشاء الله

ما رأيك بعضوات منتدى؟ والله انا مشوفتش عشان احكم ههههههههههه بس محترمين كلكم ماشاء الله

ماهو القسم في أطفالنا الذي ترتاح له ؟ الشعر والخواطر

هل انتى متزوجة؟ انتى ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ماشى الله يسامحك

اين تقيمين؟ برضه ؟؟؟ طيب والله عدت مجاوب بقى عااااااااااااااااااا

[b]انتظرونى قريبا

ههههههههه مهو يارعد الموضوع للعضوات مش للاعضاء مخدتش بالك ولا ايه هههههههههههههه

ايوه يعنى امسح التعليقات ولا اطلعلكم من المنتدى خااااااااااالص

عاااااااااااااااااااا

بس قاعدلكم برضه

ههههههههههههههههههههههههههههه

اهلا ياأحمد والله منور المنتدى وبطاقتك جميله

بس أحسن انك مكملتهاش للاخر لانها مش لطيفه خالص بالنسبه لك ههههههههههههه

بس والله اهلا بيك وسطنا واحنا مبسوطين بوجودك

يا رب اغفر لى كتب:: [b]انتظرونى قريبا

اوك يادودو مستنيينك بس متتأخريش باى

ههههههههههههههههههه ميرسي ليكى يا ام عمرو يارب اقدر افيدكم

ههههههههههههههههه

منور والله يااحمد
سعداء بوجودك معانا

ونطلب من ام عمرو تغير اسم الموضوع

بدل العضوات تخليها الاعضاء

ومستنينك ياهدير

اه والله يا مونى ده المفروض بدل الاحراج ده

وبعدين كله هنا متجوز ومفيش اللا انا اللى لسه ولا ايه ؟؟؟

خلاص جوزووووووووووووووووووووووووووونى

ههههههههههههههه

مستعجل على ايه هتتجوز مش تقلق

واسال ابو يوسف عندك اهو مجرب

يمكن يخليك تغير رايك فى الجواز ولا حاجه

الإسم المستعار : ابو يوسف

الاسم الحقيقي : اسلام

العمـر : 29

المهنه : موظف

الهواية : الشات والجيمز ( بس مش بعرف العب جيمز من مراتى )

حكمتك المفضلة : اتق شر من احسنت اليه

أكلتك المفضلة : كل انواع السمك وخصوصا البلطى المشوى

مشروبك المفضل : عصير مانجو

أجمل أيام الأسبوع : اى يوم يكون اجازه من الشغل يكون جميل

أمنيه تمنيتها وتحققت : الزوجه الصالحه

أمنيه تمنيتها ولم تتحقق : الاولاد

خبر فرحت بسماعه : انى مسافر الكويت

خبر حزنت لسماعه : وفاة والد زوجتى

أجمل هديه حصلت عليها : زوجتى بجد مش علشان انتم كاتبين كده

ماذا تحب بالدنيا : الاجازات

ماذا يحزنك : اصحى الصبح اروح الشغل

- ما أجمل اسم من الاناث : امانى

ما أجمل اسم من الذكور : يوسف وحسام

لونك المفضل : الرمادى والاسود واحيانا الابيض

أجمل شهور السنة : فبراير

أجمل فصول السنة : الربيع

ما أجمل مراحل عمرك؟ : الثانوى والكليه

أين نجد أسرارك؟ : مش عندى اسرار ولو عندى بحتفظ بيها لنفسى

لمن تشكي همومك؟ : لله

كلمة أخيره : جزاكم الله خيرا

نصيحة : عش عزيزا او مت وانت كريم

كيف تعرفت على منتدى أطفالنا : من مراتى

ما رأيك بمنتدى أطفالنا؟ جميل بس ناقصه قسم رياضى وكمان اغلب الموضوعات بتكون بصيغه المونث المفروض يراعى صيغه المونث والمذكر

ما رأيك بعضوات منتدى؟ ربنا يبارك فيهم

ماهو القسم في أطفالنا الذي ترتاح له ؟ قسم الموضوعات العامة

هل انت متزوج ؟ نعم

اين تقيم؟ الكويت

هل لديك اطفال؟ لا

عددهم : 0

اعمارهم : الله اعلم

الإسم المستعار :
heba & hema

\الاسم الحقيقي .. اذا رغبت / اختيـاري
هبه

العمـر :
22

المهنه :
ملكة متوجة في مملكتي الجميله

الهواية :
القراءه وتصفح النت

حكمتك المفضلة :
اللي يتلسع من الشوربة ينفخ في الزبادي ههه

أكلتك المفضلة :
ورق العنب والكوسة بالباشميل وسلطة البتنجان

مشروبك المفضل :
في الفطار نسكافيه باللبن وفي الغدا ميرندا وفي العشا عصائر بجميع انواعها وخصوصا المانجة

أجمل أيام الأسبوع :
الجمعه

أمنيه تمنيتها وتحققت :
اني اعيش في الاسكندرية

أمنيه تمنيتها ولم تتحقق :
مش فاكرة بصراحة

خبر فرحت بسماعه :
اول ما حملت
خبر حزنت لسماعه :
والله الاحزان كتيير وخلينا ساكتين وكاتمين

أجمل هديه حصلت عليها :
سلومتي الجميله

ماذا تحب بالدنيا :
الفسح والحب والعلاقات الاجتماعية

ماذا يحزنك :
موت الاحباب والظلم وفساد الاخلاق

- ما أجمل اسم من الاناث :
طبعا سلمي وجنى ومنة

ما أجمل اسم من الذكور :
معاذ

لونك المفضل :
الاحمررررر

أجمل شهور السنة :
رمضان طبعا

أجمل فصول السنة :
الخريف عشان لاهو برد ولاهو حر
ما أجمل مراحل عمرك؟ :
مرحلة الثانوي والكلية

أين نجد أسرارك؟ :
مع بنات خالتي واختي

لمن تشكي همومك؟ :
لورقه وبعدين اقطعها

كلمة أخيره :
واحشني ياهيما اوووي
نصيحة :
حافظو علي نظافة مدينتكم

كيف تعرفت على منتدى أطفالنا؟

عن طريق جهاد ام عمرو

ما رأيك بمنتدى أطفالنا؟
جميل وظريف
ما رأيك بعضوات منتدى؟
كلهم حبايبي
ماهو القسم في أطفالنا الذي ترتاح له ؟
اقول وماحدش يسخر مني؟؟قسم الاطباق المتنوعة يمممم
هل انتى متزوجة؟
الحمدلله
اين تقيمين؟
في الاسكندريه لكن اصلي من بيلااااااااا برضو هههههه
هل لديكى اطفال؟
ايونن

عددهم
واحدة والتانيه جايه في السكة
اعمارهم
سلمي سنة وشهر
ماهى اهم المشاكل اللتى واجهتكى فى تربيه اولادك؟
وجع الدماغ وقلة الراحة
-ماهى اهم المواضيع اللتى تحبى ان تجديها
فى أطفالنا؟

كل المواضيع اللي تفيدنا في الدنيا والاخرة
وشكراااااااااااااااا

والسلام عليكم ورحمة الله وبركاته

على فكره يااحمد شهر العظماء هو شهر 10 مش شهر 9 زى ماانت كاتب g,g

والله عارف يا ابويوسف

بس انا طالما ولدت ف شهر 9 يبقى شهر العظمااااااااااااااااء

هو انا مش عظيم ولا ايه ؟؟

ايه ده كل ده حصل وانا مشفتوش

بس بجد أحنا سعداء جدا بوجودك معانا يأبو يوسف وربنا يباركلك فى زوجتك ويرزقكم الذرية الصالحة

بس أيه هو القسم الرياضي الى تحبه يكون موجود ؟؟ وضحلنا الفكره وان شاء الله نفكر فى الموضوع

أما بالنسبه لكتابة الموضوع بالصيغ المؤنثة جارى التعديل بقدر الإمكان ان شاء الله

وشكرا لوجودك معنا تشرفنا كتير بمعرفتك

اهلا بيكى ياهوبه معانا نورتينا انتى وسلمى

قسم رياضى مكان نحمل فيه كل الاهداف اللى تكون حلوه او تكون للمنتخب علشان تكون موجوده للاعضاء بدل مايدور يحمل الهدف من اى منتدى لان اغلب الناس بتروح يلا كوره تحمل الاهداف احنا ممكن نحمل الاهداف ونقدر نسيب تعلقيات على الماتشات المهمه مش اكتر هو ده اللى اقصده بالمنتدى الرياضى

تمام وصلت الفكره

قريبا يتم عمل القسم ان شاء الله

شكرا على الاهتمام

سعداء بوجودك ياابو يوسف

وربنا يارب يباركلك فى زوجتك ويابركلها فيك

البطاقة الشخصية لأعضاء منتدى أطفالنا - صفحة 4 816159

ويرزقكم الذريه الصالحه

ان شاء الله بارك الله فيكى

جارى كتابة البطاقة ان شاء الله

واحنا منتظرينك

الإسم المستعار :

تقوى الله

العمـر :

21

المهنه :

جارى البحث عن عمل أدعولى

الهواية :

الأنترنت

أكلتك المفضلة : السمك بكل الطرق

مشروبك المفضل :

الشاى وعصير المانجو

أجمل أيام الأسبوع :

الأسبوع كله حلو

أمنيه تمنيتها وتحققت :

التخرج

أمنيه تمنيتها ولم تتحقق :

العمل فى مجال الكمبيوتر

خبر فرحت بسماعه :

نجاحى فى الثانوى

أجمل هديه حصلت عليها :

ساعه من والدى فى عيد ميلادى

ماذا تحب بالدنيا :

كل حاجه حلوه

ماذا يحزنك :

الظلم والخيانه

- ما أجمل اسم من الاناث :

عادى كلهم حلوين

ما أجمل اسم من الذكور :

كلهم

لونك المفضل :

الاحمر والاسود

أجمل شهور السنة :

يناير

أجمل فصول السنة :

الربيع

ما أجمل مراحل عمرك؟ : الجامعة

أين نجد أسرارك؟ :

صديقة لى

لمن تشكي همومك؟ :

لنفسي

كلمة أخيره :

كل دى بطاقة

نصيحة :

لا بارك الله فى عمل يلهى عن الصلاه

كيف تعرفت على منتدى أطفالنا؟
من تبادل اعلانى

ما رأيك بمنتدى أطفالنا؟

حلو قوى

ما رأيك بعضوات منتدى؟

كلهم عسولات

ماهو القسم في أطفالنا الذي ترتاح له ؟

كل الأقسام

هل انتى متزوجة؟

لسه ان شاء الله

» جديد المرئيات الإسلامية فقط وحصريا لدى منتدى أطفالنا
» افضل شركة فوركس | احصل على البطاقة الائتمانية من شركة WWM
» جميع حلقات yugioh مرفوعه على الميديا فير لا حلى منتدى
» اعلان : شروط منتدى الالعاب والمسابقات .. قبل ان تكتبي تفضلي