بمناسبة العيد طريقة عمل حلوى الحلقوم ((الملبن)) من مطبخ شهيرة

[ندعوك للتسجيل في المنتدى أو التعريف بنفسك لمعاينة هذا الرابط]

ازيكم يا حلوين بقالى كتير ما زهقتكمش....على العموم انا جييييييييييييت !!!

طيب دخلت المطبخ و عملت الملبن و لو تعرفوا الوصفه منين؟؟؟؟ من كتاب عندى فرنساوى عبارة عن موسوعه لموائد العالم و لقيته فيها يا

حلاوته...اسمه يا جماعه بالفرنساوى "loukoums" و بالانجليزى "lokoms" و ده تحريف للكلمه العربيه حلى الحلقوم او بالتركى لقم

بضم اللام و القاف...طيب ندخل على الطريقه...يالا بينا

المقادير:- بشر برتقاله

بشر ليمونه

ربع كوب عصير برتقال

2 ملعقه كبيره من عصير الليمون اللى يفضل يكون اضاليا

3 كوب سكر

نص كوب ماء

2 ملعقه كبيره جيلاتين بودره

تلتين كوب من النشا

من 3 الى 4 نقاط من ماء الزهر

لون حسب الرغبه

نص كوب سكر بودرة للتقطيع

نضع فى حله السكر و القشر المبشور و العصير و كمان الميه.

نقلبهم على نار متوسطه حتى الذوبان...و بعد كده مانحطش فيهم الملعقه...نتركهم يغلوا 5 دقايق حتى يصلوا الى مرحله الشريط و دى مرحلة من مراحل غليان السكر و نستدل بيها لما ناخد ملعقه من السكر و نحطها فى كوب ماء بارد لو نزل الشربات فى الكوب زى الشريط يبقى هو ده اللى عايزينه

نيجى على جنب ندوب مقدار الجيلاتين فى نص كوب ماء و ندوبهم على حمام ميه... لحد ما يدوبوا خالص...و كمان ندوب مقدار النشا فى نص كوب ميه

و نضيف الاتنين على الشربات اللى عملناه و نقلب لحد الغليان..هنا بنضيف النكهه اللى حبينها و كمان اللون ..بنقفل النار و نصبه فى قالب مربع مقاس 17 و جنابه تكون عاليه.

و ندخله بعد ما يبرد التلاجه للصبح..اه نسيت اقولكم ان القالب لازم يكون مفروش بالفويل و مدهون بالزبده.

و الصبح ننزل القالب على الرخامه بعد ما نرشها و نقطع...

و بالهنا و الشفا و المره اللى جايه هعمل التقليدى...اللى بعين الجمل و ماء الزهر.

سلمت يداكِ على الوصفه الرائعه

تسلمى ياحبيبتى شكرا لوجودك

مين شهيره دى وايه الاسماء الغريبه دى مش ده الملبل برضوووو ولا انا نظرى ضعيف؟

هههههههههههههههههه شهيرة دى واحدة شاطرة فى الطبيخ ودارسة كمان وعاملة مدونة لأكلاتها

وكل وصفاتها جميلة ومضمونة ممممممماشى الكلام وده الملبن برضو يعنى الحمد لله نظرك مش ضعيف

جاوبتك على كل حاجة أهو ماقيش بقى شكرا ياأم منة

شكرا طبعا ياجميل تسلم يدك على النقل الرائع

انا بحبه والله وان شاء الله احاول اجربه

تسلميلى حبيبتى أنا برضو بموت فيه وان شاء الله اجربه انا كمان نورتينى ياقمر

جميل قوى بس مجربتش اعمله قبل كده ان شاء الله نجرب جزاكى الله خيرا

واياكى حبيبتى وان شاء الله يعجبك

» حلوى الكمثرى
» حلوى القلوب
» حلوى البراونيز مع موس الشوكولاتة
» أم علي.. من وصفات كتاب مطبخ منال العالم
» حلوى السميد بجوز الهند