حملة القضاء على السمنه مين يبدأ معايا ..؟؟

خلااااااص قررت أبدأ ريجيم اخيرا بس عايزه تشجيع بقي

أكيد فى كتير منكم نفسه يعمل ريجيم بس مستنى زقه عايزين هنا ندى زقه لبعضنا ونبدا ريجيم بجد يكن مبنى على عناصر غذائيه مش مجرد حرمان وبس
هدفنا ننزل من 1 _ 2 كيلو فى الأسبوع هو طبعا قلليل بس عشان مش ننزل مره واحده ونزهق وجسمنا يضعف ونرجع نبطل ونزيد تانى اكتر من الأول

هنا عايزين نشجع بعض ياجماعه بجد كل واحده هتشترك او عايزه تخس تدخل تقول وزنها وطولها قبل ماتبدأ او اسبوع وكل واحد يمشي على النظام الى يريحو المهم نوصل لهدفنا
ولو حد مش عنده نظام يقولى وانا أنزله النظام الى يناسبه بالنسبه لوزنه

انا هابدأ على نظام الدكتور بهاء عايزه تشجيع منكم وعايزه مشتركين كتير

يالا نبدأ حملتنا بتفاؤل وان شاء الله نوصل لاهدافنا ونقول وداعا للسمنه

اولا : على كل مشتركه فى الحمله تذكر وزنها وطولها وطريقة الريجيم الى هتمشي عليه

ومن أول يوم هاتبدأ فيه تدخل تقولنا اخبارها كل يوم فطرتت واتغدت واتعشت ايه ونتابع اخبار بعض
ومع نهاية الاسبوع وقبل ماتبدأ أسبوع جديد ليها لازم طبعا توزن نفسها وتقول الوزن بعد كل اسبوع

الميزه فى الحمله دى اننا كده نفيد بعض بخبراتنا ونشجع بعض ولو اى واحده عندها سؤال اكيد هانقدر نجاوب عليها بقدر استطاعتنا
والميزه كمان انك لما تحسي ان حد متابع معاكى وهايسألك نزلتى ولا لا كده ممكن تقدرى تمسكي نفسك ومتبوظيش الريجيم عشان فى حد متابع معاكى وهتتكسفي تقولى انا بوظت انهارده يبقي كده هايكون فيه ألتزام

يالا مين اول واحده هاتدخل تقول وزنها ونظامها

منتظراكم

مش أنا بس داخلة أشجعكم يارب توصلوا للوزن المثالى

ومش انتى ليه خلاص البت جسمها فرنساوى

هههههههههههههههه يعنى لا والله أنا محتاجة برضو شوية تظبيطات بس رياضة أكتر مش ريجيم

وقلت لجوزى أروح الجيم مش راضى قالى فى البيت قلت له خلاص هاتلى مشاية علشان أتشجع وطبعا

مافيش حاجة جات فى أولويات تانية بس كبرت بقى

انتى لو عندك همه ونشاط هتعملى الرياضه فى البيت مش هتحتاجى لا جيم ولا مشايه اهم حاجه يكون فى اراده وهدف عايزه توصليله

والله أنا حاولت بس كسلت

أنا كنت عاوزة ألعب رياضة أكتر حاجة علشان جسمى يبقى خفيف ومشدود

بس علشان أواظب لازم تشجيع وخصوصا كبداية





خدى يالا وصفة طازة أهو

السلام عليكم ورحمة الله


الوصفة اللي جابت معايا نتجة هي


مغلى ورق العنب 3 مرات في اليوم


والوصفة دي من احدى الوصفات للدكتور عادل عبد العال

حلوة بتخسس 6كيلو في الاسبوع

تاخدى ثلاث اوراق العنب وتغليه وتشرب كاس في الصبح و كاس في الظهر كاس في العشاء

الكلام من تجربة ستات فى منتديات أخرى

وده باقى كلامها
اما الرجيم والله مابعمل اي رجيم معين بس في الصبح بشرب كاس الحليب بدون سكر

في الغذاء بتغدى عادي تقريبا وفي العشاء باكل تفاحة وكاس العصير بتاع البرتقال بدون سكر

وبعمل شوية رياضة في الصبح وباللليل

وبيتاخد قبل الاكل

اي سؤال انا تحت امركم

طيب ماهو دا يعتبر ريجيم هو فى حد عادى بيعشي كده بس ولا بيفطر كده

اما مغلى ورق العنب انا فعلا سمعت عنه كتير قبل كده وتجارب كتير نجحت انه بينزل البطن ومعاه عصير ليمونه كمان
بس انا بصراحه بقرف من الحاجات دى الريجيم بالنسبه ليه ارحم بكتير
جزاكى الله خيرا على الوصفه واكيد هتفيد ناس تانيه

ماهى بتقول انها مخففة الاكل ده مش الطبيعى

بس كويس وجبة الغدا بتاكل اللى هى عاوزاه و6 كيلو اغراء لناس وزنها زيادة

بس ليه بتقرفى ورق العنب ظريف مش حاجة غريبة

انا اصلا مش بحب ورق العنب فى المحشي والحاجات دى ازاى بقي اشرب ميته يع

انا الى نفع لبطنى الشاى الأخضر هو مش حلو برضه بس يتشرب يعنى وجاب معايه نتيجه حلوه قوى

يارب أنزل بقي المره دى ومش ارجع تانى

ههههههههههههه أنا كنت مش باكله لحد قريب بقيت بموت فيه

والشاى الاخضر محتاج بس تعود ربنا يوفقك وتوصلى للوزن اللى تحبيه وتثبتى كمان يلااادعوة ببلاش

ايوه ببلاش بس اهم حاجه تتقبل منك أتوضتى قبل ماتدعى طيب؟ ههههههه

هههههههههههههه لا ماتقلقيش مقبولة أن شاء الله


شوفتى الوصفة دى مش بتشبهى عليها فى ناس جربوها فعلا وبيقولوا جابت نتيجة


اخواتى و جدت هذه الوصفة باحدى المنتديات و انا لم اجربها بعد بس مكوناتها دائما اراها في موضوعات الاخوات الخاصة بالرشاقة

الوصفة ما تتعدى شهر ضرورى و صاحبتها تقول انها جربتها و ظهرت النتيجة في 15 يوم

الحامل ما تستعملها حتى تولد


اترككم مع الموضوع الاصلى:



وصفة جد رائعة لشطف الشحوم المتراكمة على مستـوى البطـن وتنحيف الخصر
***جربت ريجيم قاسي وما خسيتي ؟؟

***عملت كثير رياضة ولا نتيجة ؟ نفس البطن ونفس الشحوم؟؟؟

*** أخذت أدوية للتخسيس وعملت وصفات منزلية وبردو المشكل لهلا مطروح ؟؟؟

اوكي حبيبتي راح ترتاحين من الكروشة الكبيرة ، بس اتبعي الوصفة ولا تملين

الوصفة رائعة ومجربة ، والوصفة تصير اللي عندها شحوم متراكمة بالبطن وكمان اللي بطنها منفوخ بالغازات ، كمان اللي عندها مشكل في المعدة ، واللي عندها غرغرة في الامعاء .... وصفتي طبية وأخذتها شخصيا من طبيب ألماني يشتغل بالطب البديل ، وحبيت أفيد كل الاخوات اللي يعانون من مشكل الكرش

وأترككم مع الوصفة :

ملعقتين مرامية جافة مطحونة



ملعقتين شاي أخضر مطحون




ملعقتين زعترجاف مطحون




ملعقتين قرفة مطحون




ملعقتين زنجبيل مطحون





ملعقتين قشر رمان مطحون






ملعقتين كمون مطحون




ملعقتين بذر الكتان (زريعة الكتان)





الطريقــــة :

تاخذين كل العناصر وتقومي بمزجها جيدا ثم .... الان اسمعيني منيح

= اذا كان بطنك كثير كبير وحاسة انو مليان شحوم، المقادير راح تخلطيها بخل التفاح لان تحصلي على عجينة ....

= اذا كان بطنك متوسط الحجم المقادير تجمعيها بعصير الليمون لان تحصلي على عجينة

خذي شيئا من العجين على قدر نواة المشمش المهم حاولي تشكلي قرص صغير وحطي الاقراص على صينية لان تنتهي من كل العجينة

بعد ذلك ادخلي الصينية للفريزر الى ان تتجمد الاقراص، بعد ذلك شيليها من الصينية وحطيها في قارورة بلاستيك وارجعيها الفريزر

* على الريق تأخذين قرص مع كاس ماء وبعد ساعة هيك ممكن تفطرين عادي

* قبل الغذاء بنص ساعة تاخذين قرص وبعدين اتغذي عادي

* وكمان قبل العشاء بنص ساعة تاخذين قرص ويا ريت العشاء يكون خفيف (بلاش عشا بس فاكهة و بعد شهر تعشي مثل ما تريدي)


ملاحظة مهمة :

في هذه الفترة سوف تلاحظين كثرة خروجك للتواليت ، لا تخافين ، جد عادي بالعكس وقتها تعرفين ان الحبوب ابتدت تعمل المفعول وابتدت ترمي السوائل السامة الزائدة في الجسم

اكثري من شرب المياه ويا ريت قبل النوم اعملي شوية حركات تسخينية وراح تشوفين النتيجة بعد 15 يوم بالضبط ، تغير ملموس والكرش تبتدي بالذوبان ، بس استمري ولا تملين (ليس اكثر من شهر)

ملاحظة: انا رايي انك تحطى القرص بكاس او نصف كاس ماء حتى يذوب قليلا ثم نشربه احسن للمعدة

ان شاء الله تستفادوا من الوصفة و اكرر هي منقولة للفائده

هههههههههههههههه جبتيها منين ياأروبه هى المواضيع هناك مش بتضيع بدا هههههههه

فاكراها طبعا بس مكسله اجربها الصراحه

انا الحمدلله ماشيه على نظام الدكتور بهاء كويس لحد الآن وانهارده كان وجبه مفتوحه عملت مكرونه بالباشميل فرصه بقي
وبكره هابدأ الاسبوع التانى ان شاء الله المفروض الميزان كان يبقي الصبح بس انا أجلته كمان يومين كده أوزن ان شاء الله

شكرا ليكى ام منه على التفاعل والمتابعه شجعتينى والله محدش عبرنى غيرك

ماشى ياعم بالهنا والشفا بس كنتى صورتيهالنا منها عزومة ومنها نتعلم

طبعا أن شاء الله معاكى للأخر ونشوف الاخبار أن شاء الله لحد مالباقى يتشجع وياخدوا قرار الريجيم

بينى وبينك قرار صعب أصل الاكل حلو برضو ههههههههههه

أن شاء الله كل فترة أنزل وصفة جابت نتيجة متجربة يعنى يلا سلام مؤقت

ماشاء الله ربنا يعينك ياأم عمرو

انا أيضا بعمل وبخفف فى وجباتى على قدر الإمكان والله المستعان

الله معاكى ويعينك وتوصلى لهدفك ان شاء الله

موضوع راااااااائع مشكورين على المجهود