كيكة شوكولاتة تحفة وشيك جدا للضيافة شوفوها واحكموا بنفسكوا

السلام عليكم ورحمة الله وبركاته
إزيكم يا برنسيسات المنتدى...أخباركم إيه؟ يا رب تكونوا كلكوا بخير وصحة ومبسوطين ومقلبظين من كتر الحلويات
انهاردة جبتلكم طريقة كيكة شوكولاتة عملتها كده من كام يوم...بس بجد كانت تحفة وتستاهل بقكوا
أسيبكم مع الطريقة والصور

هحطلكم صورة الأول عشان تتحمسوا انكوا تعملوها
[ندعوك للتسجيل في المنتدى أو التعريف بنفسك لمعاينة هذه الصورة]
المقادير:
هتعملوا نصها بس...أما لو عايزين تعملوا صينية كبيرة تعملوا المقادير كلها
4بيض
واحد وربع كوب سكر
نص كوب زيت
نص كوب ماء
4 معالق كبار حليب بودرة
*في حالة عدم توفر الحليب البودرة هنستبد كمية المية والحليب بنص كوب حليب سايل
بس فايدة الحليب البودرة انه بيخلي الكيكة طرية
2 كوب دقيق منقوص منهم 4 معالق ممسوحة يعني مش مليانة
2 معلقة كبيرة بيكنج باودر
4 معالق ممسوحة كاكاو

للحشو:
كريمة شوكولاتة زي نوتيللا مثلا

الطر يقة:
نخلط البيض والفانيليا لحد ما يتضاعفوا ويبقى لونهم كريمي


[ندعوك للتسجيل في المنتدى أو التعريف بنفسك لمعاينة هذه الصورة]

نضيف الزيت تدريجيا واحنا بنخلط

[ندعوك للتسجيل في المنتدى أو التعريف بنفسك لمعاينة هذه الصورة]

نضيف الماء تدريجيا واحنا بنخلط

[ندعوك للتسجيل في المنتدى أو التعريف بنفسك لمعاينة هذه الصورة]

نضيف الحليب البودر ونخلط
[ندعوك للتسجيل في المنتدى أو التعريف بنفسك لمعاينة هذه الصورة]

ننخل الدقيق والكاكاو والبيكنج بودر ونضيفهم تدريجيا

[ندعوك للتسجيل في المنتدى أو التعريف بنفسك لمعاينة هذه الصورة]

وده شكل الخليط بعد اتمام الخفق
[ندعوك للتسجيل في المنتدى أو التعريف بنفسك لمعاينة هذه الصورة]

نصبه في صنية مدهونة زيت ...بس بشرط إنه يوصل لأقل من نص الصنية والصورة هتوضح لكم

[ندعوك للتسجيل في المنتدى أو التعريف بنفسك لمعاينة هذه الصورة]

ندخله فرن مسخن قبلها تقريبا بربع ساعة على درجة حرارة 180 لمدة 40 دقيقة بس بعد 35 دقيقة ابقوا اختبروا نضج الكيكة بسكينة رفيعة تغرزوها في وسط الكيكة لو طلعت نضيفة يبأة الكيكة تمام لو طلعت عليها عجينة سيبوها كمان عشر دقايق
بعد ما تطلع سيبوها تبرد خالص بعدين اقسموها نصين وادهنوا النص اللي تحت بكريمة الشوكولاتة ورجعوا عليه النص اللي فوق وقطعوها بالشكل اللي انتوا عايزينه وزينوها بالسكر البودرة وعلى فكرة مش مهم التزيين خالص انتوا وراحتكم والصور هتوضح أكتر



[ندعوك للتسجيل في المنتدى أو التعريف بنفسك لمعاينة هذه الصورة]



منقول